कमबॅकसाठी तनुश्रीने घटवलं 15 किलो वजन; पाहा कशी दिसते

मुंबई -  मी टू च्या वादविवादात असणा-या तनुश्रीने आता बॉलीवूडमध्ये कमबॅक करायचे ठरवले आहे. त्यासाठी तिने तयारीही सुरु केली आहे. गेल्या काही वर्षांपासून रुपेरी पडद्यापासून लांब असलेली तनुश्रीने आपल्या वर्क आऊटबद्दल सोशल मीडियावर पोस्ट शेयर केली आहे. त्यात आपण आता कमबॅक करण्यासाठी तयार असल्याचे म्हटले आहे.

 प्रख्यात अभिनेता नाना पाटेकर यांच्यावर गैरवर्तनाचे आरोप करुन तनुश्री चर्चेत आली होती. त्यावरुन बॉलीवू़डचे वातावरण पूर्णपणे ढवळून निघाले होते. आता गेल्या काही दिवसांपूर्वी तिने पुन्हा नाना पाटेकर यांच्यावर आरोप केले होते. नाना एका मालिकेतून पुनरागमन करणार आहेत. त्यांना पुन्हा संधी कशी मिळु शकते यावर तिने प्रश्न उपस्थित केला होता. आणि आता स्वत; ती कमबॅक करण्यासाठी तयार झाली आहे. त्यासाठी तिने चक्क 15 किलो वजन कमी केलं आहे.

तनुश्रीने आपल्या सोशल अकाऊंचवरुन याबद्दलची माहिती शेयर केली आहे. त्यात तिने आपण करत असलेल्या वर्क आऊट विषयी सांगितले आहे. ती सध्या वजन कमी करण्याचे प्लॅनिंग करत आहे. 2018 मध्ये मी टू च्या आरोपामुळे लोकप्रिय झालेल्या तनुश्रीने आपल्याला काही चित्रपटांची ऑफर आल्याचे म्हटले आहे. यात बेवमालिकांचाही समावेश असल्याचे म्हटले आहे. 2018 नंतर पुढील दोन वर्षे ती मी टू या च्या आरोपांविषयी चर्चेत होती. 

2008 मध्ये एका चित्रपटाच्या सेटवर मला गैरवर्तनाला सामोरे जावे लागले होते. त्यानंतर आपण केलेल्या संघर्षाला बॉलीवूडमधून तेवढ्या प्रमाणात सपोर्ट मिळाला नाही. मी टू च्य़ा चळवळीला एक मोठे स्वरुप देण्याचे काम यानिमित्ताने झाले त्यावर आवाज उठविण्याचे काम मी केले त्याला थो़डं सहकार्य मिळालं असतं तर बरे झाले असते असेही तिनं म्हटले आहे. त्यानंतर आपल्याला बॉलीवूडने कशाप्रकारे डावलेले याविषयीही तनुश्रीने खंत व्यक्त केली आहे. 

 36 वर्षीय तनुश्रीने दोन वर्षे लॉस एंजेलिसमध्ये आयटी ट्रेनिंग स्वतच्या जॉबसाठी घेतले होते. त्याबाबत ती म्हणते, ही एक वेल स्टेटस सिम्बॉल नोकरी होती. त्यात शिस्त, योगदान, एकजूटीने काम करण्याची भावना विकसित होण्यास मदत झाली आहे. हे काम करत असताना तनुश्रीने 15 किलो वजन कमी केले आहे. जेणेकरुन आपली बॉलीवूडमधील कमबॅक सोपे व्हावे असे तिला वाटत आहे.

तनुश्री आता पुन्हा मुंबईला आली आहे. आता आपल्याकडे काही प्रोजेक्ट असल्याचे तिनं म्हटले आहे. यात चित्रपट आणि बेवसीरीजचा समावेश आहे. आपल्याला त्यात संधी मिळावी यासाठी वजन कमी करण्याचा निर्णय घेतला आहे. त्याची तयारीही सुरु झाली असून 15 किलो वजन कमीही केलं असल्याचे तनुश्रीने सांगितले.