The Vaccine War: 11 भाषा, 15 ऑगस्ट, येतोय विवेक अग्निहोत्रींचा 'द वॅक्सिन वाॅर'

गअलीकडेच, विवेक रंजन अग्निहोत्री यांनी त्यांच्या आगामी चित्रपटाचे संकेत देऊन सर्वांचे लक्ष वेधले होते, ज्यानंतर नेटिझन्स त्यांच्या आगामी चित्रपटाच्या नावाचा अंदाज लावू लागले. दर्शकांची उत्सुकता शिगेला असतानाच, आता चित्रपट निर्मात्याने अखेर त्यांच्या आगामी चित्रपटाचे शीर्षक 'द व्हॅक्सिन वॉर' जाहीर केले आहे. हा चित्रपट १५ ऑगस्ट २०२३ रोजी प्रदर्शित होणार आहे. विशेष म्हणजे हा चित्रपट हिंदी, इंग्रजी, तेलुगू, तमिळ, मल्याळम, कन्नड, भोजपुरी, पंजाबी, गुजराती, मराठी आणि बंगाली अशा ११ भाषांमध्ये प्रदर्शित होणार आहे.

(The Vaccine War: Vivek Agnihotri announces ‘incredible true story’ that will be released in 11 languages release date independence day 2023)

या चित्रपटाचे पोस्टरचे देखील आज जाहीर करण्यात आले. पोस्टरमध्ये चित्रपटाच्या रिलीजच्या तारखेचाही उल्लेख आहे. हा चित्रपट भारतीय जैवशास्त्रज्ञ आणि स्वदेशी लसी या विषयांवर आधारित असून, या महिन्यापासून चित्रपटाचे चित्रीकरण सुरु होणार आहे.

याबाबत बोलताना विवेक रंजन अग्निहोत्री म्हणाले, ''लॉकडाऊन दरम्यान जेव्हा 'काश्मीर फाइल्स' पुढे ढकलण्यात आला, तेव्हा मी यावर अभ्यास सुरू केला. मग आम्ही ICMR आणि NIV च्या शास्त्रज्ञांसोबत संशोधन सुरू केले ज्यांनी आपली स्वदेशी लस तयार केली. त्यांच्या संघर्षाची आणि बलिदानाची कहाणी जबरदस्त होती आणि संशोधन करताना आम्हाला समजले की हे शास्त्रज्ञ भारतासाठी केवळ परदेशी एजन्सीच नव्हे तर आपल्याच लोकांशी कसे लढले.

'तरीही, आपण सर्वात वेगवान, स्वस्त आणि सुरक्षित लस तयार करून महासत्ता देशांवरही विजय मिळवला. प्रत्येक भारतीयाला आपल्या देशाचा अभिमान वाटावा यासाठी ही कथा सांगावीशी वाटली. एका बायो-वॉरबद्दल भारतातील हा पहिला विज्ञान चित्रपट असेल,' असेही ते म्हणाले.

'द कश्मीर फाइल्स' नंतर विवेक रंजन अग्निहोत्रीच्या आगामी चित्रपटाची आतुरतेने वाट पाहणाऱ्या चाहत्यांसाठी ही नक्कीच मोठी बातमी आहे. शिवाय, या घोषणेसह, चित्रपट निर्मात्याने देशासाठी हा अत्यंत महत्त्वाचा विषय कसा हाताळला जाईल असा प्रश्नात सर्वांना पाडले आहे. पल्लवी जोशी या चित्रपटाची निर्मिती करणार आहे. निर्मात्यांनी अद्याप कलाकारांची घोषणा केलेली नाही. लस युद्धाचे औचित्य सिद्ध करण्यासाठी आणि आमच्या शास्त्रज्ञांनी केलेले प्रयत्न मोठ्या पडद्यावर आणण्यासाठी कोण योग्य ठरेल हे पाहणे मनोरंजक असेल.