Urfi Javed: तुम्ही मागवत असाल झोमॅटोवरुन जेवण..उर्फीतर तिथूनही मागवते ड्रेस...

उर्फी जावेद हे सोशल मिडियावरच व्हायरल झालेलं नाव आहे. ती नेहमी तिच्या बोल्ड आणि बिनधास्त वक्तव्यामुळे चर्चेत असते. उर्फी जावेद ही तिच्या कामापेक्षा जास्त तिच्या फॅशन आणि वादामुळं जास्त चर्चेत असते. कोणी कितीही बोला , विरोध करा किंवा ट्रोल करा ती काही तिची फॅशन दाखवणं बंद करणार नाही.

काही दिवसांपुर्वी उर्फी जावेदला मुंबईतील एका रेस्टॉरंटमध्ये एंट्री देण्यात आली नाही, यामुळे ती संतापली आणि तिने आपला राग सोशल मीडियावर काढला. तिच्या कपड्यामुळे तिला प्रवेश नाकारला असंही तिने सांगितलं होत. त्यानंतर तिने तिच्या इन्स्टा स्टोरीवर एक पोस्ट टाकली आहे, जी व्हायरल झाली आहे. यात तिने Zomato ला टॅग केले होते.

त्यानंतर झोमॅटोच्या वतीने उर्फी जावेदसोबत संवाद साधण्यात आला असल्याच दिसलं. तिने त्याच्याकडे तक्रार केली की त्याच्या ऑफरमुळे ती रेस्टॉरंटमध्ये बसू शकत नाही. यावेळी त्याच्यावतीने उर्फीची माफीही मागण्यात आली होती.

त्याचबरोबर तिला एक गिफ्टही देण्यात आलं. तिला गिफ्ट बास्केट पाठवण्यात आली होती. मात्र उर्फी ही कोणती गोष्ट योग्यरित्या करेल. तिने यातही तिच्या फॅशनचा नमुना दाखवला. झोमॅटोने ज्यावेळी तिला बास्केट दिली त्यावेळी तिने त्यांना ड्रेस दिल्याबद्दल धन्यवाद म्हटलं. यानंतर उर्फीने टोपलीतून सामान काढून त्याच टोपलीने तिचे अंग झाकले.

तिने पोस्टला कॅप्शन दिले, "किसी की बास्केट, किसी की ड्रेस." उर्फी जावेदची पोस्ट आता सोशल मीडियावर व्हायरल होत आहे आणि नेटिझन्सनी उर्फीला ट्रोल करण्यास सुरुवात केली आहे.

हा फोटो पाहिल्यानंतर नेटकऱ्यांनीही डोक्याला हात लावला आहे. मात्र हे काही नवीन नाही उर्फी कोणत्याही गोष्टीपासून ड्रेस तयार करु शकते. आत्तापर्यंत लोकांनी उर्फी जावेदला पोत्यापासून ब्लेड, लोखंडी साखळी, इलेक्ट्रिक वायर ते मोबाइल सिम, काच सायकलची चेन, चिमटे इतकच नाही तर किवी च्या फळापासून बनवलेल्या ड्रेसमध्ये पाहिले आहे.