Ayodhya Ram Mandir: अयोध्या राम मंदिरात दर्शनासाठी जाणार का? पंकज त्रिपाठी स्पष्टच म्हणाले, "मी गुपचुप..."

Pankaj Tripathi at Ayodhya Ram Mandir: पंकज त्रिपाठी यांचा आगामी चित्रपट 'मैं अटल हूं' सिनेमा 19 जानेवारी रोजी चित्रपटगृहात प्रदर्शित होत आहे. सिनेमाला अवघे काही दिवस बाकी असताना पंकज त्रिपाठी मोठ्या उत्साहात या चित्रपटाचे प्रमोशन करत आहेत.

नुकतेच प्रमोशन दरम्यान पंकज त्रिपाठी यांना विचारण्यात आले की, ते 22 जानेवारीला प्राणप्रतिष्ठा कार्यक्रमासाठी राम मंदिरात जाणार का? याला उत्तर देताना त्यांनी असे काही सांगितले की सर्वांनाच आश्चर्याचा धक्का बसला.

अयोध्येला जाण्याच्या प्रश्नावर पंकज काय म्हणाले?

पंकज त्रिपाठी यांनी दैनिक भास्करला दिलेल्या मुलाखतीत सांगितले की, "मी पूर्वांचलचा रहिवासी आहे. कधीतरी गुपचूप जाऊन श्रीरामाचे दर्शन घेईन. मी सहसा जगाच्या नजरेपासून दूर असलेल्या तीर्थक्षेत्रांना मी भेट देतो. तेथे मी माझ्या कुटुंबासह शांततेने ध्यान करतो."

पंकजला मर्यादा पुरुषोत्तमची भूमिका करायची आहे

संवादादरम्यान पंकज त्रिपाठी यांना विचारण्यात आले की, त्यांना रामायणातील कोणते पात्र साकारायला आवडेल?

अभिनेता पंकज त्रिपाठी म्हणाला, "मर्यादा पुरुषोत्तम श्रीराम माझे आवडते आहेत. मला फक्त त्यांचीच भूमिका करायला आवडेल. तथापि, मी आता त्या वयोगटातील नाही. मी 48 वर्षांचा आहे आणि चित्रपटांमध्ये आपण नेहमी तरुण असलेल्या श्रीरामाची कथा सांगतो.

पण, हे सर्व असूनही, जर कोणत्याही चित्रपट निर्मात्याने माझ्यावर विश्वास व्यक्त केला तर मी तो नक्कीच करेन."

राम मंदिराचा उद्घाटन सोहळा 22 जानेवारीला आहे. या कार्यक्रमासाठी सुमारे 7500 लोकांना आमंत्रित करण्यात आले आहे. क्रीडा जगतापासून ते चित्रपट जगतातील अनेकांना आमंत्रित करण्यात आले आहे."

पंकज त्रिपाठींच्या आगामी में अटल हू सिनेमाची सध्या चांगलीच चर्चा आहे. रवी जाधव यांनी या चित्रपटाचे दिग्दर्शन केले असून गेल्या काही वर्षांपासून या प्रोजेक्टवर रवी काम करत आहेत.

रवी यांनी मोठ्या धाडसाने आणि मैं अटल हू चं शिवधनुष्य पेलत त्याला न्याय देण्याचा कौतुकास्पद प्रयत्न केलाय. हा सिनेमा उद्यापासून सगळीकडे प्रदर्शित होतोय.