औरंगाबाद/बीड - मराठा आरक्षणासाठी औरंगाबादमध्ये एका व्यक्तीने, तर बीड तालुक्यात एका विद्यार्थ्याने आत्महत्या केली.
औरंगाबादमध्ये केशव साहेबराव चौधरी (वय 45) यांनी न्यू हनुमाननगर येथील भाड्याच्या घरात सोमवारी (ता. 13) गळफास घेत आत्महत्या केली. पतीच्या निधनाची बातमी कळताच, त्यांच्या पत्नीने मुलांसह क्रांती चौकात ठिय्या आंदोलनस्थळी येत आक्रोश व्यक्त केला. मृतदेह उत्तरीय तपासणीसाठी घाटी रुग्णालयात नेला असताना चौधरी कुटुंबीय क्रांती चौकात ठिय्या देऊन बसले होते.
बीड तालुक्यामध्ये आत्महत्या
बीड तालुक्यात सात्रा-पोत्रा येथील विद्यार्थ्याने विष घेऊन आत्महत्या केल्याची घटना सोमवारी (ता.13) सकाळी उघडकीस आली. मराठा समाजाला आरक्षण नसल्यामुळे त्याच्यावर ही वेळ आल्याची भूमिका नातेवाइकांनी घेतली. राहुल पद्माकर हावळे (वय 20) असे आत्महत्या करणाऱ्या विद्यार्थ्याचे नाव असून, "डी.फार्मसी'ला प्रवेशासाठी शुल्क भरण्यासाठी पैसे नसल्याच्या नैराश्यातून त्याने आत्महत्येचे पाऊल उचलले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.