चिंता वाढली : आणखी आठ पॉझिटिव्ह, औरंगाबादेत 128 रुग्ण

औरंगाबाद :  शहरात कोरोनाची संख्या मोठ्या झपाट्याने वाढत आहे. बुधवारी (ता. 29) आणखी 11 जणांना कोरोनाची लागण झाली, त्यानंतर घाटातील लॅबमधून आणखी 8 जण कोरोना पॉझिटिव्ह आले आहेत.  अशी माहिती घाटीच्या अधिष्ठाता डॉ. कानन येळीकर यांनी दिली.

तीन दिवसात मिळून 75 रुग्ण आढळले असून एकूण रुग्ण 128 झाले आहेत. त्यामुळे आता औरंगाबादचा प्रवास हॉटस्पॉटच्या दिशेने होत आहे. नवीन रुग्णात नुर कॉलनी टाऊन हॉल येथील 4, आसिफिया कॉलनीतील 4 जणांचा समावेश आहे.

महाराष्ट्र दिनाबाबत प्रशासनाचा मोठा निर्णय

बुधवारी सकाळी पहिल्या टप्प्यात 11 जणांचे अहवाल पॉझिटिव्ह आले होते. यामध्ये नुर कॉलनीतील 11, गारखेडा विजयनगर येथील 01, भीमनगर 1 अशी रुग्णसंख्या होती. तेव्हा आकडा 120 पर्यंत पोहचला. त्यानंतर शहरातील  09 जण नूर कॉलनी, गारखेडा येथील  1, भीमनगर 1 येथील एकाला कोरोनाची लागण झाली आहे. अशी माहिती अधिष्ठाता डॉ. कानन येळीकर यांनी दिली. 

HIVप्रमाणे कोरोनाचाही होतो का आरोग्यावर दूरगामी परिणाम - वाचा

सोमवारी एकाच दिवशी 29 जण तर मंगळवारी 27 जण कोरोना पॉझिटिव्ह आढळल्यानंतर बुधवारी सकाळी आणि दुपारी मिळून 19 अशा 75  कोरोना पॉझिटिव्ह रुग्ण वाढले आहेत. 

• उपचार घेत असलेले रुग्ण - 98
• बरे झालेले रुग्ण               - 23
• मृत्यू झालेले रुग्ण             - 07
• एकूण                             - 128