औरंगाबाद: भरधाव ट्रकने दुचाकीवर जाणाऱ्या दाम्पत्याला चिरडले. हा अपघात धुळे-सोलापूर महामार्गावरील करोडी शिवारात नव्याने तयार होत असलेल्या उड्डाणपुलाजवळ शुक्रवारी (ता.२) घडला. अपघात इतका भीषण होता की, ट्रकचा वेग जास्त असल्याने दांम्पत्याला काही अंतर अक्षरशः फरफटत नेल्याने दोघांचाही चेंदामेदा झाला होता. संजय पूनमचंद छानवाल (४५), मीना संजय छानवाल (४०, दोघेही रा. परसोडा, ता.वैजापूर) असे अपघातात ठार झालेल्या दांम्पत्याची नावे आहेत.
पोलिसांकडून प्राप्त माहितीनुसार संजय छानवाल व त्यांची पत्नी मिना हे दोघेही शुक्रवारी सकाळी काही कामानिमित्ताने औरंगाबादकडे धुळे-सोलापूर महामार्गाने दुचाकीने (एमएच-२०-डीएक्स-३१७९) जात होते. दरम्यान करोडी शिवारात बांधकाम सुरू असलेल्या उड्डापुलाखालून ते येत असताना समोरून भरधाव वेगाने आलेल्या फरशीने भरलेल्या ट्रकने छानवाल यांच्या दुचाकीस समोरुन धडक दिली. अपघातानंतर ट्रकने छानवाल दांम्पत्याला दुचाकीसह जवळपास २० ते २५ फुटापर्यंत फरफटत नेल्याने छानवाल दांम्पत्याच्या मृतदेहाचा चेंदामेंदा होऊन त्यांच्या अवयवाचे तुकडे रस्त्यावर विखुरले होते.
विखुरलेले अवयवांचे तुकडे खोऱ्याने केले गोळा
या अपघाताची माहिती मिळताच दौलताबाद पोलिस ठाण्याच्या निरीक्षक राजश्री आडे यांनी आपल्या पथकासह घटनास्थळी धाव घेतली. त्यावेळी रस्त्यावर हाडा-मासांचा आणि रक्ताचा सडा पडलेला दिसला. पोलिस निरीक्षक आडे व त्यांच्या पथकातील कर्मचाऱ्यांनी रस्त्यावर विखुरलेले छानवाल दांम्पत्याच्या अवयवांचे तुकडे गोळा करून उत्तरीय तपासणीसाठी घाटी रूग्णालयात हलविले.
या अपघाताची नोंद दौलताबाद पोलिस ठाण्यात करण्यात आली असून ट्रकचालकाविरूध्द गुन्हा दाखल करण्याची कारवाई सायंकाळी उशिरापर्यंत सुरू होती. विलास पठारे, जनार्दन चव्हाण, दिगंबर गडगुळ, नवनाथ नवले, मंगेश चव्हाण आदींनी रस्त्यावर विखुरलेले तुकडे खोऱ्याने गोळा केले. तर काही तुकडे हाताने गोळा केले असल्याची माहिती दौलताबाद पोलिस ठाण्याच्या निरीक्षक राजश्री आडे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.