'पूर्णपणे लॉकडाऊनला पाठिंबा, मात्र इतरांना सूट दिल्यास उद्यापासून दुकाने उघडणार'

औरंगाबाद : राज्यात कडकडीत संपूर्ण लॉकडाऊन करण्याचा निर्णय मुख्यमंत्र्यांनी घेतला, तर त्यास पाठिंबा देऊ. पण लॉकडॉऊनमध्ये काही व्यवसायाला सूट दिल्यास. मात्र आम्ही सोमवारपासून (ता.१२) दुकाने सुरू करू, असा इशारा महाराष्ट्र चेंबर्स ऑफ कॉमर्स अँड इंडस्ट्रीज ॲग्रीकल्चरच्या शनिवारी (ता.दहा) झालेल्या बैठकीत घेण्यात आला, अशी माहिती व्यापारी महासंघाचे अध्यक्ष जगन्नाथ काळे यांनी दिली. या बैठकीत राज्यभरातील सर्व संघटनांनी सहभाग नोंदवला होता. जगन्नाथ काळे म्हणाले की, या बैठकीला मी छोट्या व्यापाऱ्यांना मदत मिळवून देणे हा मुद्दा मांडला. सध्या छोटे व्यापारी फारच अडचणीत आहे.

‘ब्रेक द चेन’मुळे कापड व्यवसाय संकटात, निर्बंधांमुळे लग्नसराईतील चैन संपली

त्यांना पॅकेज मिळवून हा उद्देश आहे. स्वातंत्र्य काळापासून आतापर्यंत छोट्या व्यापाराला कुठलीच मदत मिळालेली नाही. त्यामुळे या मदतीसाठी पुढाकार घ्यावा असे या बैठकीत मुद्दा माडला. यासह स्थानिक प्रशासनाला बाजारपेठा सुरू व बंद ठेवण्याचा अधिकार द्यावा, रुग्णसंख्येच्या वाढीनुसार स्थानिक प्रशासन म्हणजेच जिल्हाधिकारी निर्णय घेतील. हा मुद्दाही बरोबर असल्याचे सर्वानी सांगितले. याचं संपूर्ण लॉकडाऊन केल्यास आम्ही पाठिंबा देऊ व कोणत्याही व्यवसायाला सूट दिल्यास, मात्र आम्ही सरकारच्या निर्णयाविरोधात अस्थापना उघडू असा इशाराही देण्यात आला आहे. दरम्यान जिल्हा व्यापारी महासंघ संलग्न असलेल्या सर्व ७२ संघटनांच्या पदाधिकाऱ्यांची आज रविवारी ऑनलाईन बैठक होईल. या बैठकीत उद्या दुकाने सुरू करावे की नाही याबाबत चर्चा केली जाईल असे जगन्नाथ काळे यांनी सांगितले.

संपादन - गणेश पिटेकर