आरोग्य विभागाच्या परीक्षेत तोतयागिरी, पाच जणांना पोलिस कोठडी

औरंगाबाद : सार्वजनिक आरोग्य खात्याकडून घेण्यात येणाऱ्या परीक्षेत तोतयागिरी करणाऱ्‍या पाच जणांना पोलिसांनी रविवारी (ता. २८) अटक केली. त्यांच्याकडून मोबाइल, हेडफोन, कॅमेरा, सेल, डिव्हाईस जप्‍त करण्यात आले आहे. मदन धरमसिंग बहुरे (वय २६), त्याचा भाऊ राहुल धरमसिंग बहुरे (वय २४, दोघेही रा. जोडवाडी), फुल बेग गुलाब बेग (वय ३०, रा. किन्होळा, ता. बदनापूर, जि. जालना), रमेश हरिश्चंद्र बमनावत (वय २६, रा. सांजखेडा, ता. पैठण) आणि संतोष माधवराव रगडे (वय २४, रा. पिंपळगाव शेरमुलकी, ता. बदनापूर, जि. जालना) अशी संशयितांची नावे आहेत.

हेही वाचा - भीषण अपघात! साताजन्माची शपथ राहिली अधुरी; पतीने सोडली मधेच साथ

त्यांना गुरुवारपर्यंत (ता. चार) पोलीस कोठडीत ठेवण्याचे आदेश न्यायालयाने दिले आहेत.गेवराई तांडा येथील धनेश्वरी महाविद्यालयात पोलिसांनी छापा टाकला होता. या केंद्राच्या बाहेर असलेले चारजण केंद्रातील परीक्षेस बसलेल्या उमेदवारांना पेपर सोडविण्यासाठी मदत करत होते. अशाच प्रकारे खोकडपुरा येथील गजानन अभ्यासिका येथेही काहीजण परीक्षार्थीला उत्तरे पुरवले जात होते. या प्रकरणी चिकलठाणा पोलिस ठाण्यात गुन्हा दाखल करण्यात आला आहे. वरील संशयितांना न्यायालयात हजर करण्यात आले होते.

संपादन - गणेश पिटेकर