हर्षवर्धन जाधवांची मनसेच्या जिल्हाध्यक्षपदी वर्णी लागताच दुसऱ्या दिवशी अॅट्रॉसिटीचा गुन्हा
औरंगाबाद - विविध कारणांनी चर्चेत असलेले कन्नड येथील माजी आमदार हर्षवर्धन जाधव यांची शनिवारी (ता. 29) महाराष्ट्र नवनिर्माण सेनेच्या जिल्हाध्यक्षपदी वर्णी लागली. पदभार घेतल्यानंतर मात्र दुसऱ्याच दिवशी रविवारी (ता. एक) रात्री उशिरा औरंगाबाद येथील क्रांतीचौक पोलिस ठाण्यात त्यांच्याविरुद्ध ऍट्रॉसिटीच्या गुन्ह्याची नोंद झाली आहे.
हेही वाचा- भाजपमधील आरोपींपासूनच महिलांना सर्वाधिक धोका
याबाबत पोलिस सूत्रांनी माहिती दिली की, माजी आमदार हर्षवर्धन जाधव यांची औरंगाबाद शहरात अदालत रोडजवळ जागा आहे. या ठिकाणी जाधव यांच्या कार्यालयाचे काम सुरु आहे. पाडापाडीमुळे झालेल्या मोकळ्या जागेत नितीन दाभाडे (रा. बनेवाडी) नामक एका व्यक्तीने टपरी उभी केली होती. याबाबत माहिती मिळाल्यानंतर हर्षवर्धन जाधव यांनी २९ फेब्रुवारीला दाभाडे नामक त्या व्यक्तीला जातिवाचक शिवीगाळ केली होती.
शिवीगाळ व धमकावल्याप्रकरणी दाभाडे नामक व्यक्तीने क्रांतीचौक पोलिस ठाण्यात तक्रार दिली. या तक्रारीची चौकशी पूर्ण झाल्यानंतर या प्रकरणात क्रांतीचौक पोलिस ठाण्यात हर्षवर्धन जाधव यांच्याविरुद्ध अॅट्रॉसिटीचा व धमकावल्याचा आरोपाखाली गुन्ह्याची नोंद करण्यात आली आहे. अशी माहिती क्रांतीचौक पोलिसांनी दिली.
हे वाचलंत का? - औरंगाबाद मनसेच्या जिल्हाध्यक्षपदी हर्षवर्धन जाधव, दाशरथे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.