अब्दीमंडी (औरंगाबाद): येथील सरपंच व उपसरपंच पदाची निवडणूक सोमवारी (ता. आठ) झाली. यात सरपंच व उपसरपंचपदी पती, पत्नी यांची निवड झाली. सरपंच व उपसरपंच पदासाठी केवळ एक- एक अर्ज प्राप्त झाला होता. त्यामुळे ही निवड बिनविरोध घोषित करण्यात आली.
सरपंच पदासाठी साबेर खान सिराज खान पठान व उपसरपंच पदासाठी त्यांच्या पत्नी शगुफ्ता साबेर पठाण यांचा अर्ज आला होता. दरम्यान, पती, पत्नीची बिनविरोध निवड झाल्याचे निवडणूक निर्णायक निर्वाचन अधिकारी ए. बी. बडे यांनी घोषित केले.
यावेळी ग्रामसेवक एस. एम. चव्हाण, तलाठी एम. ए. मुळे, ग्रामपंचायत सदस्य संगीता लिंगे, लक्ष्मी खंडागळे, जहागीर पठाण, अमजत पठाण, यास्मीन बी सादिक, रूपेश सदावर्ते, फैमीदा मोबिन सय्यद, सुखदेव सोनवणे, बदरुन्निसा रब्बानी यांची उपस्थिती होती. माजी सरपंच शिवनाथ चौधरी, माजी उपसरपंच राजेंद्र पंडित, शेख हकीम, रफीक कुरैशी, राजिक कुरेशी, अमर हजारी, चेतन देवले, तौफिक कुरेशी, शेख सईद यांच्यासह दौलताबादचे सरपंच पवन गायकवाड, कल्याण कांजुने, सयद जमील यांनी नवनिर्वाचित सरपंच पती, पत्नीचा गौरव केला. यावेळी दौलताबाद ठाण्याचे पोलिस कर्मचारी डी. बी. तडवी, ए. एन. साबले यांनी बंदोबस्त ठेवला होता.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.