शेकोटीत जळाले पैशांचे गाठोडे, औरंगाबाद जिल्ह्यातील घटना

Money was Burned At Andhari District Aurangabad
Money was Burned At Andhari District Aurangabad

अंधारी (जि. औरंगाबाद) - थंडीचा कडाका वाढला. त्यामुळे येथील बाजारतळावरील मारुती मंदिर परिसरात पडलेले एक कपड्यांचे बेवारस गाठोडे तरुणांनी शेकोटी म्हणून पेटवले; पण या गाठोड्यात नोटा आणि नाणी होती. 

ही बाब लक्षात येईपर्यंत नोटा खाक झाल्या होत्या. नुकत्याच घडललेल्या या प्रकाराची गावात मोठी चर्चा होत आहे. गावात काही दिवसांपासून एक वेडसर तरुण परिसरात भिक्षा मागून राहत होता. रोज बाजारात फाटक्‍या आणि मळकट कपड्यांनी फिरून गाणे गात होता. बदल्यात कुणी जे काही दिले ते तो घेत होता; पण अचानक हा तरुण बेपत्ता झाला. जाताना बाजारातील मारुती मंदिर परिसरातील ग्रामपंचायतीच्या गाळ्यातील वेशीत त्याच्याजवळील गाठोडे तसेच ठेवून गेला. 

भिकाऱ्याचे गोठोडे म्हणून येणारे-जाणारे त्याकडे दुर्लक्ष करीत होते; पण थंडीचा कडाका वाढल्याने शुक्रवारी रात्री सातच्या सुमारास काही तरुणांनी त्या गाठोड्याची शेकोटी केली. गाठोडे जळत असताना त्यात एक-दोन रुपयांची नाणी दिसून आली. तरुणांनी तत्काळ शेकोटी विझवली; पण तोपर्यंत गाठोड्यात असलेल्या काही नोटा खाक झाल्या तर काही अर्धवट जळाल्या. तरुणांनी शेकोटीतील एक, दोन आणि पाच रुपयांची नाणी जमा करून ठेवली असून, ती संबंधित भिक्षेकऱ्याला देण्यासाठी जपून ठेवली आहे. ग्रामस्थ त्याचा शोध घेत आहेत. 

थंडी वाढली
मागील काही दिवसांपासून परिसरात थंडीने चांगलाच जोर दाखवत आहे. गार वाऱ्यासह गुलाबी थंडी आहे. ताशी 13 किलोमीटर वेगाने वारे वाहत थंडीचा पारा वाढला असल्याचे हवामान खात्याकडून सांगण्यात आले आहे. परिसरात काही तापमानात चढ-उतारही होत आहे. त्यामुळे चांगलीच हुडहुडी भरली आहे. सलग 20 तासांपासून थंड वारा वाहतोय. त्यामुळे शेकोट्या पेटवून नागरिक थंडीची मज्जा लुटत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com