Big Breaking : किलोभर सोन्यासाठी चुलत भाऊ, मेहुण्याने केली हत्या; दोघेही अटकेत

औरंगाबाद : बहीण-भावाच्या निर्घृण हत्येने शहराला हादरवून टाकले होते. या हत्येमागील रहस्य उलगडले असून घरात ठेवलेल्या किलोभर सोन्यासाठी चुलत भाऊ आणि त्याच्या मेहुन्याणेच  ही हत्या केल्याचे स्पष्ट झाले आहे.

 गुन्हेशाखेच्या पथकाने दोन्ही आरोपींना अटक केली असून त्यांच्या ताब्यातून चोरी केलेला माल पोलिसांनी जप्त केला आहे. सतीश काळूराम खंदाडे (रा.पाचन वडगाव), अर्जुन देवचंद राजपूत (रा.वैजापूर) असे अटकेतील दोघांची नावे आहेत. अटकेतील आरोपी सतीश हा मयताचा चुलत भाऊ आहे तर अर्जुन हा त्याचा मेहुणा आहे.

या बाबत माहिती देतांना पोलीस आयुक्त चिरंजीव प्रसाद म्हणाले, की शहरातील सातारा परिसर भागात गुरुवारी किरण खंदाडे-राजपूत वय-१८, सौरभ खंदाडे-राजपूत वय-१६ यांची राहत्या घरी गळा चिरून निर्घृणपणे हत्या करण्यात आली होती. हा धक्कादायक प्रकार समोर आल्यानंतर पोलिसांनी घटनास्थळी गाठत तपासला सुरुवात केली.

महाबीजकडून औरंगाबादेत ६४ क्विंटल तूर बियाणे उपलब्ध  

त्यावेळी घरात चार कप पोलिसांना आढळले होते. त्यावरून ओळखीच्या किंवा जवळच्या व्यक्तीनेच ही हत्या केली असावी असा दाट संशय पोलिसांना होता. पोलिसांनी दोन्ही मयताच्या मोबाईल क्रमांकाची तपासणी सुरु केली. त्यानंतर चुलत भाऊ सतीश आणि त्याचा मेहुणा अर्जुन या दोघांवर पोलिसांना संशय आल्याने दोघांनाही विचारपूस करण्यात आली.

अन्यथा औरंगाबाद शहरात असते सात हजार रुग्ण 

विचारपूस दरम्यान दोघेही सुरुवातीला तोंड उघडण्यास तयार नव्हते त्या नंतर पोलिसांनी खाक्या दाखवताच दोघांनीही गुन्ह्याची कबुली देत ही निर्घृण हत्या घरातील सोन्यासाठी केली असल्याची कबुली दिली. गुन्हेशाखेच्या पोलिसांनी दोघांनाही अटक केली असून त्यांच्या ताब्यातून चोरी केलेलं सोन जप्त करण्यात आलं आहे.