१७ वर्षीय मुलीची आत्महत्या

नांदेड : नायगाव तालुक्यातील निळेगव्हाण येथील शीतल गंगाराम जावध (वय १७) या मुलीने गुरुवारी (ता. १६) विषारी औषध पिल्याने उचारासाठी नांदेड येथील खासगी रुग्णालयात दाखल करण्यात आले. परंतु, उपचारादरम्यान तिचा मृत्यू झाला. या प्रकरणी शिवाजीनगर पोलिस ठाण्याने पोलिस आय. आय. शेख यांच्या माहितीरून कुंटूर पोलिस ठाण्यात आकस्मिक मृत्यूची नोंद करण्यात आली आहे. या प्रकरणाचा तपास पोलिस जमादार श्री. कुमरे करीत आहेत. 

५७ हजारांची शिंदी जप्त
बिलोली तालुक्यातील सगरोळी येथील आखाड्यावर ५७ हजार रुपयांची सिंधी अवैधरीत्या चोरट्या मार्गाने विक्री करण्यासाठी उद्देशाने आढळून आला. या प्रकरणी सहायक पोलिस निरीक्षक पिराजी तायवाडे यांच्या फिर्यादीवरून बिलोली पोलिस ठाण्यात गुन्हा दाखल करण्यात आला आहे. या प्रकरणाचा तपास सहायक पोलिस उपनिरीक्षक श्री. बोधने करीत आहेत. 

हेही वाचा....Video : पूजा-अर्चा करून साईचरणी ‘कोरोना’चा नायनाट करण्याची प्रार्थना

हरवलेल्या मुलीची शोध लागेना
हदगाव तालुक्यातील पळसा येथील प्रियंका नागनाथ दिनकर (वय १७) ही मुलगी ता. १८ मार्च पासून ती बेपत्ता आहे. या मुलीचा रंग सावळा असून बांधा सडपातळ, उंची अंदाजे पावणेपाच फूट, अंगावर कपडे जांभळ्या रंगाचा टॉप त्यावर पांढरे ठिपके व गुलाबी रंगाचा स्कार्फ ज्यावर छोट्या-छोट्या मोत्यांची डिझाइन व जिन्स कपडे आहेत. पायात लाल रंगाची सँडल असून शिक्षण बारावी उत्तीर्ण आहे. तिला मराठी भाषा बोलता येत तर केस काळे व लांब, चेहरा गोल आहे.

हेही वाचलेच पाहिजे.....कोरोनाच्या संदर्भात राजकारण नको, खासदार चिखलीकर का म्हणाले वाचा...

संपर्क करण्याचे आवाहन 
या वर्णनाची प्रियंका दिनकर या मुलीची माहिती मिळाल्यास हदगाव तालुक्यातील मनाठा पोलीस स्टेशनचे सहायक पोलीस निरीक्षक राजेंद्र मुंढे (मो. ८८८८१ ४१५७८) व पोलीस उपनिरीक्षक टी. वाय. चिटेवार (मो. ९९२२०१०१३३ व ९८३४६३४१४९) यांच्याशी संपर्क साधावा, असे आवाहन मनाठा पोलीस ठाण्याचे पोलीस उपनिरीक्षक टी. वाय. चिट्टेवार यांनी केले आहे.