Chandol News : ३५ वर्षीय तरुणाचा मृतदेह पुलाखाली आढळला; हत्या झाल्याच्या चर्चेला उधाण

चांडोळ - ईरला येथील धामना नदीच्या पुलाखाली एका तरुणाचा मृतदेह आढळल्याने खळबळ उडाली आहे. मृत तरुणाच्या डोक्यावर गंभीर जखम असल्यामुळे हत्या झाल्याचा संशय व्यक्त केला जात आहे. सध्या धाड पोलिस ठाण्यात अकस्मात मृत्यूची नोंद करण्यात आली असून पोलीस या प्रकरणाचा तपास करत आहेत..पोलिसांकडून मिळालेल्या प्राप्त माहिती नुसार, फिर्यादी राहुल साहेबराव फदाट (वय-३०) यांनी धाड पोलिस ठाण्यात तक्रार दाखल केली. त्यानुसार, ६ फेब्रुवारी रोजी सायंकाळी ७ वाजता तो कामावरून घरी आला, तेव्हा त्याचा भाऊ उमेश साहेबराव फदाट घरी होता. मात्र, दुसऱ्या दिवशी ७ फेब्रुवारी रोजी सकाळी ६ वाजता गावातील एका व्यक्तीने फोन करून सांगितले की, इरला पुलाखाली धामना नदीच्या काठावर उमेशचा मृतदेह आढळला आहे..धक्का बसलेल्या राहुल व त्याच्या मोठ्या भावाने तातडीने इरला गावाजवळील पुलावर धाव घेतली. घटनास्थळी पोहोचल्यावर त्यांनी उमेश साहेबराव फदाट (वय-३५) याचा मृतदेह नदीच्या पुलाखाली पडलेला पाहिला. काही वेळातच धाड पोलीस घटनास्थळी पोहोचले. पोलिसांनी पंचनामा करून उमेशचा मृतदेह धाड येथील ग्रामीण रुग्णालयात शवविच्छेदनासाठी पाठवला..प्रकरणात संशयास्पद हालचालीपोलिसांकडून व उमेशच्या पत्नीने दिलेल्या माहितीनुसार, रात्री १२ वाजता तो धामना नदीवर वाळूच्या कामानिमित्त गेला होता. त्यानंतर रात्री २ वाजता गावातील एका तरुणाने त्याला घरी आणून सोडले. मात्र, अर्ध्या तासानंतर उमेश पुन्हा नदीच्या दिशेने निघून गेला. सकाळी ५ वाजता गावातील दुसऱ्या एका तरुणाने उमेशचा मोबाईल घरी आणून दिला..त्यानंतर उमेशचा मृतदेह इरला गावातील पुलाच्या खाली आढळल्याची माहिती ग्रामस्थांनी दिली असल्याची फिर्याद मृतकाच्या भावाने धाड पोलिसात दिली. पोलिसांनी अकस्मात मृत्यूची नोंद घेतली असून, घटनेचा पुढील तपास ठाणेदार यांच्या मार्गदर्शनात स. पो. निरीक्षक परमेश्वर केंद्रे करीत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.