सबस्क्राईब करा
चाकूर, ता. ६ (बातमीदार) : शेतातील सामायिक बंधाऱ्यावरील झाड तोडण्याच्या कारणावरून झालेल्या भांडणात गुन्हा दाखल झाल्यानंतर, गुन्ह्याच्या कामात मदत करून अटक न करण्यासाठी पोलिस उपनिरीक्षक व पोलिस हवालदारांने २० हजार रूपयाच्या लाचेची मागणी केली होती. यात गुरूवारी (ता.६) दुपारी लाचलुचपत प्रतिबंधक विभागाने तहसील कार्यालयाच्या प्रांगणातून पोलिस हवालदाराला लाच घेताना रंगेहाथ पकडले आहे तर पोलिस उपनिरीक्षकाला पोलिस ठाण्यातून ताब्यात घेतले आहे.
शेतातील सामायिक बांधावरील झाड तोडण्याच्या कारणावरून भावकितील व्यक्तींची भांडणे झाली होती. यात परस्परविरोध तक्रारीवरून दोघांविरूध्दही गुन्हे दाखल करण्यात आले आहेत. २५ वर्षीय तक्रारदार व त्याच्या वडीलांना सदर गुन्ह्याच्या तपास कामात मदत करून गुन्ह्यात अटक न करण्यासाठी पोलिस हवालदार पांडुरंग दाडगे व पोलिस उपनिरीक्षक दिलीप मारे यांनी २५ हजार रूपयाच्या लाचेची मागणी केली होती.
मंगळवारी (ता.४) शासकीय पंचासमक्ष लाच मागणी पडताळणी केली असता पोलिस हवालदार दाडगे यांने तक्रारदारांकडून तडजोडीअंती २० हजार रूपये स्विकारण्याचे मान्य केले त्यास पोलिस उपनिरीक्षक मोरे यांनी लाच देण्यास प्रोत्साहन दिले.
गुरूवारी (ता. ६) दुपारी तहसील कार्यालयाच्या प्रांगणात शासकीय पंचासमक्ष २० हजार रूपये स्विकारताना पोलिस हवालदार पांडुरंग दिगंबर दाडगे (वय ४३) यास लाच लुचपत प्रतिबंधक विभागाच्या कर्मचाऱ्यांनी रकमेसह ताब्यात घेतले. तसेच पोलिस उपनिरीक्षक दिलीप रघुत्तमराव मोरे यास चाकूर पोलीस ठाणे येथून ताब्यात घेतले आहे. याबाबत चाकूर पोलिसात गुन्हा दाखल केला जात आहे. लाच लुचपत प्रतिबंधक विभागाचे पोलिस अधिक्षक डॉ. राजकुमार शिंदे, पोलिस उपअधिक्षक संतोष बर्गे यांच्या मार्गदर्शनाखाली पोलिस निरीक्षक भास्कर पुल्ली, फारूक दामटे, भागवत कठारे, भिमराव आलुरे, शाम गिरी यांच्या पथकाने ही कारवाई केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.