खासदार संजय जाधव यांच्या वाहनाला किरकोळ अपघात

परभणी : खासदार संजय जाधव यांच्या वाहनाला शुक्रवारी (ता.२३) सकाळी जिल्हाधिकारी कार्यालयाच्या परिसरात अपघात झाला. महसूल विभागातील कर्मचाऱ्यांचे वाहन व खासदारांची वाहन यांची समोरासमोर धडक झाली. यात महसूल कर्मचारी लक्ष्मीकांत काजे यांच्या मानेला दुखापत झाली. शिवाय दोन्ही गाड्यांचे मोठे नुकसान झाले.

परभणी जिल्हाधिकारी कार्यालयात जिल्हाधिकारी आंचल गोयल यांनी शांतता समितीची बैठक घेतली. या बैठकीसाठी खासदार जाधव त्यांच्या स्कॉर्पियो वाहनातून जात होते. जिल्हाधिकारी कार्यालयाच्या आवारात आल्यानंतर काजे यांचे वाहन व खासदार जाधव यांच्या स्कॉर्पियोची धडक झाली. जाधव यांनी काजे यांना रुग्णालयात हलविले.