बीड : कोरोनाचे (Corona Pandemic) संकट सुरु झाल्यापासून आपण अनेकांना मास्कशिवाय पाहिलेले नाही. त्यात राज्याचे उपमुख्यमंत्री अजित पवार (Ajit Pawar) यांचादेखील समावेश आहे. अनेक सभांमध्ये उपस्थितांनी जरी मास्क घातलेला नसला तरी, अजित पवारांनी कधीच मास्क काढून भाषण केले नाही. मात्र, तब्बत दोन वर्षांच्या कालावधीनंतर अजित पवारांनी चक्क मास्क काढत भाषण केले आहे. त्यामुळे सर्वांनाच आश्चर्याचा धक्का बसला.अजित पवार सध्या बीड दौऱ्यावर आहेत. (Ajit Pawar Removes His Mask)
त्याचे झाले असे की, अजित पवार बीड (Beed) दौऱ्यावर असून तेथील आयोजित एका कार्यक्रमात ते बोलण्यासाठी म्हणून उभे राहिले. त्यावेळी उपस्थितांनी अजित पवारांना मास्क काढून बोलण्याचा आग्रह धरला. त्यावेळी आपण मास्क काढण्यासाठी कुणाचे ऐकत नाही, मात्र मराठवाडा आपली सासूरवाडी असल्याने ऐकावं लागतं असं म्हणत अखेर अजित पवार यांनी मास्क काढू बोलतो अशी मिश्कील टिपण्णी केली. अजित पवार यांनी तब्बल दोन वर्षांनंतर मास्कशिवाय भाषण केल्याने उपस्थितांना चांगलाचा आश्चर्याचा धक्का बसला असून, सध्या अजित पवार यांच्या मास्कशिवाय भाषणाची सगळीकडेच जोरदार चर्चा रंगली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.