अंबड, जि. जालना - जालना जिल्हयातील अंबड शहरातील पाचोड रोडवर एसबीआय बँकेच्या ग्राहक सेवा केंद्र चालक मयूर वाव्हळ यांनी गुरूवारी (ता. 30) सकाळी सव्वा नऊ वाजता त्रिमूर्ती कॉम्प्युटरजवळ चाकूचा धाक दाखवत लुटमारी झाल्याची खोटी फिर्याद दाखल केली होती..फिर्यादीच्या मते, काही अज्ञात व्यक्तींनी त्यांना चाकू दाखवून रोख रक्कम 42,700 रुपये लुटल्याचा दावा केला होता. मात्र, पोलिस तपासातून उघड झाले की, ही घटना पूर्णपणे बनावट होती आणि वाव्हळ यांनी वैयक्तिक कारणांमुळे हा बनाव रचला होता..घटनेच्या तक्रारीनंतर अंबड पोलिसांनी तत्काळ तपास सुरू केला. घटनास्थळाची पाहणी व अन्य पुराव्यांच्या आधारे पोलिसांनी तपास केला. मात्र, लुटमारीचे कोणतेही ठोस पुरावे मिळाले नाहीत. संशयास्पद वाटताच पोलिसांनी वाव्हळ यांची चौकशी केली. चौकशीतून उघड झाले की, वाव्हळ यांनीच आर्थिक अडचणी व वैयक्तिक ताणापोटी या बनावट घटनेचा बनाव केला..याबाबत अंबड पोलिस ठाण्याचे पोलिस पोलिस निरीक्षक सतीश जाधव यांनी माहिती दिली की, या घटनेची पोलिसांनी तात्काळ चौकशी करण्यासाठी तपास कामी चक्रे फिरविले. वाव्हळच्या बाबतीत माहिती जाणून घेतल्यानंतर त्याच्याकडे घरातील कोणी लक्ष देत नसल्याचे सांगत लग्न हि होत नसल्याने स्वतःच्या स्वार्थासाठी मयूर हा बनाव केल्याचे समजले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
