Ambajogai Latur Accident: अंबाजोगाई लातूर महामार्गावर कार व जीपचा भीषण अपघात; ३ ठार, ६ जण जखमी

अंबाजोगाई : अंबाजोगाई ते लातूर राष्ट्रीय महामार्गावर सोमवारी (ता.१५) रात्री साडेदहा वाजता लाखमापूर पाटीजवळ कार व जीपच्या भीषण अपघात ३ जण ठार झाले. इतर ६ जण जखमी झाले. या जखमींना उपचारासाठी लातूरच्या रुग्णालयात पाठवले आहे..मंगळवारी रात्री लातूरकडून कार (क्रं. एम.एच. १२, सी वाय ७०२२) अंबाजोगाईकडे येत होती. यावेळी कार चालकाचे नियंत्रण सुटल्याने ती डिव्हायडरवर आदळून दुसऱ्या बाजूने लातूरकडे जात असलेल्या जीपवर आदळली..या दुर्घघटनेत कारमधील तीन जण जागीच ठार झाले. या मृतांची नावे अशी अमित सुभाष राऊत रा. लातूर ( वय ३५), पृथ्वी रमाकांत जाधव रा. खानापूर ता. रेणापूर (वय ३०), नजीमोद्दीन फैजोद्दीन शेख रा. आर्वी (जि. लातूर) हे सर्व जण अंबाजोगाईकडे येत होते. या घटनेत जीप मधील ६ जण जखमी झाले आहेत. त्यात विरभद्र स्वामी व त्यांचे कुटूंब, यातील प्राची स्वामी (वय ९) हिला गंभीर दुखापत झाली..बर्दापूरचे सहायक पोलिस निरीक्षक श्री. कांबळे यांनी दिलेल्या माहितीनुसार भरधाव वेगात असलेल्या या कारवरील चालकाचा ताबा सुटला. यामुळे कार थेट रस्त्याच्या दुभाजकावर आदळून विरुद्ध दिशेने येणाऱ्या (एम.एच. २४ वाय ४७७१) जीपवर जोरात आदळली. या जीपधील दोन महिलांसह अन्य चार जण जखमी झाले आहेत..Hinjewadi Bus Accident : चार बहिणींचा एकुलता भाऊ; कष्टाने जगणाऱ्या कुटुंबात क्षणात होत्याचे नव्हते.अपघाताची माहिती मिळताच बर्दापूर पोलिस व स्थानिक घटनास्थळी मदतीसाठी धावले. कारमधील मृत बाहेर काढून गंभीर जखमींना लातूरच्या रुग्णालयात पाठवले. रात्री उशिरापर्यंत जखमी आणि मृतांची ओळख पटवण्याचे काम रात्री सुरू होते. या घटनेचा बर्दापूर पोलिस ठाण्यात गुन्हा दाखल करण्याची प्रक्रीया सुरू होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.