संत बाबा नरेंद्रसिंघ, संत बाबा बलविंदरसिंग यांची लंगरसेवा 

फोटो
फोटो
Updated on: 

नांदेड : कोरोना व्हायरसविरुद्ध सुरु असलेल्या  लढ्यात येथील लंगर साहिब गुरुद्वाराने पुढाकार घेतला. शहरासह परिसरातील गरजवंताना लंगरची सेवा (अन्नदान) मोफत सुरू आहे. सरासरी चार लाख नागरिक या अन्नदानाचा लाभ घेत आहेत. 

कोरोना आपत्तीमुळे लॉकडाउन परिस्थितीत नागरिकांना खाण्या- पिण्याच्या वस्तूंसाठी लोकांची चांगलीच पंचायत होत आहे. लंगर साहिब गुरुद्वाराचे मुख्य जतेथार संत बाबा नरेंद्रसिंघ आणि संत बाबा बालविंदर सिंघ यांनी नेहमीप्रमाणे मानव सेवा हीच ईश्वर सेवा मानून मागिल आठ- दहा दिवसांपासून लंगर सेवा सुरु केली आहे. काल आंबेडकरनगरमध्ये संत बाबा नरेंद्रसिंघ यांनी स्वतः लंगर वाटप केले. भन्ते पैया बोधी, नगरसेवक संदिप सोनकांबळे यांची यावेळी उपस्थिती होती. 

संकटातून देश सहीसलामत बाहेर पडावा

गुरुद्वारा लंगर साहिब कोणतीही आपत्ती निर्माण झाल्यानंतर सर्वतोपरी मदतीला धावून नांदेडकरांची सेवा करत आले आहे. कोरोनाच्या पार्श्वभूमीवर आलेल्या संकटातून देश सहीसलामत बाहेर पडावा व जनता जनार्दनाचे कल्याण व्हावे यासाठी लंगर साहिब गुरुद्वारामध्ये सहा अखंड पाठ करण्यात आले. लंगर साहिब गुरुद्वाराच्या महाराष्ट्र राज्यात नांदेडसह मनमाड, शहापूर, चांदवड, देगलूर, कारेगाव, लोहा येथील संस्थानच्या मार्फत अन्नदान लंगर वाटप करण्यात येत आहे. दररोज सरासरी साडे तीन ते चार लाख नागरिकांना ही सेवा उपलब्ध केली जात आहे. 

कारसेवाकडून देशभर लंगर वाटप

नांदेड भूषण संत बाबा नरेंद्रसिंघ आणि संत बाबा बलविंदरसिंघ यांच्या अधिपत्याखाली मोठ्या प्रमाणात देशात कारसेवा सुरू असून या सेवेच्या माध्यमातून पंजाब, हरियाना, उत्तर प्रदेश, राजस्थान, मध्य प्रदेशमध्ये ही या राष्ट्रीय आपत्ती दरम्यान लंगरची सेवा उपलब्ध करून दिली जात आहे. सुमारे चार लाख लोकांपर्यंत कार सेवेची ही मदत पोहचत आहे. नवीन कौठा, मालटेकडी, विष्णुपुरी, कारेगाव, खानापूर- देगलूर, मनमाड, शहापूर, चांदवड येथे तसेच नांदेड शहरातील ठीक- ठीकाणी जेवण वाटप केले जात आहे. जिल्हाधिकारी डॉ. विपीन इटनकर, पोलीस अधीक्षक विजयकुमार मगर यांनी कार सेवेच्या या मानवतावादी कार्याचे कौतूक केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

The striped 'Ramling Tiger', captured on a Forest Department trekking CCTV camera.
paradh police station
Farmers' organizations and sugarcane growers demanding an increase in sugarcane prices during a meeting held with the District Collector, the MLA, and representatives of sugar mills.
Director Sandeep Shingare’s hunger strike enters second consecutive day