नागापूर - कन्नड तालुक्यातील नागापूर जवळील अंतूर किल्ल्यावर असलेल्या वनराईमध्ये पाळीव जनावरांचा मुक्त संचार सुरु आहे. हा बाहेरून किल्ला सुस्थितीत दिसत असला तरी पुरातत्व विभागाच्या दुर्लक्षामुळे पाळीव जनावरांचे कुरण बनले आहे. तसेच काही आतील काही भागांची दुरवस्था झाली असूनही पुरातत्त्व विभागाच्या अधिकाऱ्यांच्या दुर्लक्षामुळे हा ऐतिहासिक ठेवा लुप्त होण्याच्या मार्गावर आहे.
या किल्ल्यावर तीन भव्य प्रवेशद्वार, अनेक ऐतिहासिक वास्तू, तळे, भक्कम तटबंदी, भुयार घर, आजही सुस्थितीत आहे. परंतू पुरातत्त्व विभागाच्या दुर्लक्षामुळे किल्ले अंतूरच्या सुरक्षेवर प्रश्न चिन्ह निर्माण झाले आहे. चौहीबाजूने भक्कम तटबंदी व आत जाण्यासाठी केवळ एकच मार्ग असल्याने याचा पुरेपूर फायदा घेत पाळीव जनावरे बिनधास्तपणे आत आणून सोडली जातात.
यामुळे आतील वास्तूंना धोका निर्माण झाला आहे. अंतूर किल्ल्यावर सुरक्षेसाठी पूर्वी येथे दोन रक्षकांची नेमणूक होती. कोरोना काळानंतर दोन पैकी एका कंत्राटी रक्षकाला कामावरून कमी करण्यात आले आहे.
किल्ल्याच्या सुरक्षेचा भार केवळ एका सुरक्षकावरच असल्याने पाळीव जनावरांबरोबरच पर्यटकांना कडून पसरविण्यात येणारी अस्वच्छता, प्लास्टिक कचरा, मेजवाण्याही वेगळीच समस्या आहे. दोन महिन्यांपूर्वी नाशिक येथील जय बाबाजी भक्त परिवारातर्फे किल्ल्याच्या संपूर्ण परिसरात स्वच्छता मोहीम राबविण्यात आली होती. पुरातत्त्व विभागाने याकडे गांभीर्याने लक्ष देऊन हा ऐतिहासिक वारसा जतन करावा, अशी मागणी नागरिकांकडून होत आहे.
सुरक्षेसाठी पुढाकार घ्यावा
मागील कित्येक वर्षापासून अंतूर किल्ल्यावर जनावरे सोडण्यास मनाई होती. परंतु काही दिवसापासून किल्ल्यात जनावरे सोडण्यात येत असल्याने या ठिकाणच्या ऐतिहासिक ठेव्याचे मोठे नुकसान होत आहे.
यासाठी संबंधित विभागाने वेळीच लक्ष देऊन अंतूर किल्ल्याच्या सुरक्षेसाठी पुढाकार घ्यावा, अशी मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.