Loksabha Election 2024 : शिवराज पाटील यांचा वारसा आता भाजपमध्ये ; अर्चना पाटील चाकूरकर यांचा पक्षप्रवेश

मुंबई : काँग्रेसचे ज्येष्ठ नेते व माजी केंद्रीय मंत्री शिवराज पाटील चाकूरकर यांच्या स्नुषा डॉ. अर्चना पाटील चाकूरकर यांच्या रूपाने त्यांचा वारसाच भाजपकडे आला असल्याचे उपमुख्यमंत्री देवेंद्र फडणवीस यांनी शनिवारी नमूद केले.

अर्चना पाटील यांच्या भाजप प्रवेशासाठी लातूर जिल्ह्यातील सर्व भाजप नेते मुंबईत हजर होते. उदगीरचे माजी नगराध्यक्ष राजेश्वर निठुरे यांनीही आज भाजपमध्ये प्रवेश केला.

आम्ही गेली दहा वर्षे अर्चना पाटील यांच्या संपर्कात आहोत .२०‍१९ मध्ये त्यांना भाजपतर्फे निवडणूक लढवण्याची विनंती केली होती,’’ असे संभाजीराव निलंगेकर पाटील यांनी सांगितले. अर्चना पाटील म्हणाल्या,

‘‘ पंतप्रधान नरेंद्र मोदी यांच्या नेतृत्वात सुरू असलेली प्रगती मी गेली दहा वर्षे पाहत आहे. भारताला पुढे नेणारी ही दमदार वाटचाल आहे. संसदेच्या नव्या वास्तूत ज्या दिवशी प्रवेश झाला त्या दिवशी नारी शक्ती वंदन विधेयक मंजूर झाले. त्यावेळी मी राजकारणात प्रवेश करण्याचा निर्णय घेतला. ’’