देगलूर - मूळचे तमलुर येथील रहिवाशी पण सध्या शहरातील जिया कॉलनीमध्ये वास्तव्यास असणारे सचिन यादवराव वनंजे हे भारतीय सैन्य दलात ६ महार रेजिमेंट रामबाण श्रीनगर येथे वाहनचालक म्हणून गेल्या तीन वर्षापासून कार्यरत होते..मंगळवार ता. ६ मे रोजी ते कर्तव्यावर असताना सकाळी ८ वाजून ३० मिनिटांनी त्यांचे वाहनावरील नियंत्रण सुटल्याने त्यांचे वाहन खोल दरीत कोसळले. झालेल्या अपघातात सचिन वनंजे शहीद झाले..सचिन वनंजे यांच्या पश्चात आई कलावतीबाई-वडील, शिवराम व दयानंद नितीन असे दोन भाऊ, पत्नी मधुरा आणि ८ महिन्याची एक मुलगी असा परिवार आहे. त्यांची पत्नी मधुरा ह्या सध्या पुणे येथे वास्तव्यास आहेत.गेल्या दीड वर्षांपूर्वीच त्यांचा विवाह झाल्या होता. या घटनेमुळे तमलुर व देगलूर येथे हळहळ व्यक्त केल्या जात आहे. सचिन यांचे वडील यादवराव शिवराम वनंजे हे एका खाजगी वाहनावर चालक म्हणून कार्यरत आहेत..शहीद सचिन वनंजे यांचा पार्थिवदेह श्रीनगर येथील ६६ बेस हॉस्पिटल येथे आणण्यात आला असून रात्री उशिरा पोस्टमार्टम केल्यानंतर बुधवारी ता. ७ रोजी सायंकाळपर्यंत त्यांचा पार्थिव देह नांदेडमध्ये येण्याची शक्यता आहे.त्यानंतर पार्थिवदेह देगलूर येथे आल्यानंतर त्यांच्या पार्थिवावर अंतिमसंस्कार केले जाणार असल्याचे सांगण्यात आले. जिल्हा सैनिक कल्याण कार्यालयाचे कल्याण संघटक कॅप्टन विठ्ठल कदम तहसीलदार श्री भरतराव सूर्यवंशी यांनी या माहितीला दुजोरा दिला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
