विविध सेवाभावी संस्था ठरल्या देवदूत ....

file photo
file photo
Updated on: 

परभणी : ‘एकमेका सहाय्य करू, अवघे धरू सुपंथ’, या म्हणीप्रमाणे येथील विविध सामाजिक, सेवाभावी संस्था संचारबंदीत जेवणाची भ्रांत असलेल्यांसाठी देवदूतच ठरल्या आहेत. दररोज किमान पाचशे नागरिकांना संपूर्ण जेवण देण्याचे काम या संस्था करीत आहेत.
वीर सावरकर विचार मंच, वुई केअर फाउंडेशन, संत कवंरराम सेवामंडळ, म. शि. शिवणकर प्रतिष्ठान, लाँयन्स क्लब प्रिंस या संस्था एकत्र आले असून त्यांनी सामाजिक भावनिक भावनेतून हा उपक्रम हाती घेतला आहे. संचारबंदीच्या काळात शहरात असे अनेकजण अडकून पडलेले आहेत. ज्यांना घरी जेवण तयार करण्याची सुविधा नाही. तर बाहेर हॉटेल, खानावळी बंद आहेत. अशा परिस्थितीत या लोकांपुढे मोठी समस्या निर्माण झाली होती. त्यांना या संस्थांच्या उपक्रमाचा मोठा आधार मिळाला आहे. जिल्हा प्रशासनाच्या मान्यतेने त्यांच्यापर्यंत जेवण पोचविण्याचे काम संचारबंदी लागू झाल्यापासून या संस्था वरण-भात-भाजी-पोळी एखादा गोड पदार्थ असं पूर्णान्न देण्याचं काम इमानेइतबारे करीत आहेत.
या संस्थांमध्ये ७० ते ८० जणांचा गट यासाठी कार्यरत असून दररोज सकाळी श्री सरदेशपांडे यांच्या शेतात हे अन्न शिजविले जाते व तेथेच त्याची पॅकिंग करून गरजूंपर्यंत पोचविले जाते त्यासाठी सर्व प्रकारच्या संरक्षक उपायोजनादेखील केल्या जातात.
हेही वाचा - रक्त संकलनासाठी आमदाराचा पुढाकार
१८ विद्यार्थ्यांना घरपोच सेवा

या संस्थामधील संजय रिजवाणी, उद्धव देशमुख हट्टेकर, विकी नरवाणी, सचिन आग्रवाल, सतीश नारवाणी, रोहन माटरा यांना कारेगाव रस्त्यावर श्री. शेरकर यांच्या घरी दोन रूम भाड्याने घेऊन तेलंगणा राज्यातील काही विद्यार्थी अडकून पडल्याची माहिती मिळाली. त्या अठरा विद्यार्थ्यांना केवळ तमीळ भाषा व अर्धवट इंग्रजीचे ज्ञान होते. तसेच ते दोन दिवसांपासून उपाशी होते. तेव्हा त्यांच्यासाठी जेवणाची सुविधा तर देण्यात आली. परंतु, दररोज त्यांना एक वेळचे जेवण दिल्या जाता आहे. त्यांच्या आरोग्याची काळजी घेण्याची तेदेखील परिसरातील श्री. निकम यांच्यावर जबाबदारी सोपविली. ज्यांच्या घरी चूल पेटत नाही अशांसाठी ही संस्था घेत असलेल्या कामाबद्दल त्यांचे सर्वत्र कौतुक होत आहे.
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

The striped 'Ramling Tiger', captured on a Forest Department trekking CCTV camera.
paradh police station
Farmers' organizations and sugarcane growers demanding an increase in sugarcane prices during a meeting held with the District Collector, the MLA, and representatives of sugar mills.
Director Sandeep Shingare’s hunger strike enters second consecutive day