esakal | कोर्टाच्या आदेशाशिवाय धाड टाकल्याने प्रशिक्षणार्थी आयपीएस अधिकाऱ्याला लोणीकरांनी झापले, ऑडिओ क्लिप व्हायरल
sakal

बोलून बातमी शोधा

Babanrao Lonikar

जालना जिल्ह्यातील परतूर येथील एका व्यापाऱ्याच्या घरावर प्रशिक्षणार्थी आयपीएस अधिकाऱ्याने धाड टाकली आहे. याबाबत व्यापाऱ्यांनी परतूरचे भाजप आमदार बबनराव लोणीकर यांच्याकडे तक्रार केली.

कोर्टाच्या आदेशाशिवाय धाड टाकल्याने प्रशिक्षणार्थी आयपीएस अधिकाऱ्याला लोणीकरांनी झापले, ऑडिओ क्लिप व्हायरल

sakal_logo
By
ई सकाळ टीम

जालना : जालना जिल्ह्यातील परतूर येथील एका व्यापाऱ्याच्या घरावर प्रशिक्षणार्थी आयपीएस अधिकाऱ्याने धाड टाकली आहे. याबाबत व्यापाऱ्यांनी परतूरचे भाजप आमदार बबनराव लोणीकर यांच्याकडे तक्रार केली. या तक्रारीनंतर संतापलेल्या श्री.लोणीकरांनी परतूरचे प्रशिक्षणार्थी आयपीएस अधिकारी हसन गौहर यांना फोन करुन न्यायालयाच्या आदेशाशिवाय व्यापाऱ्याच्या घरावर टाकलेल्या धाडीबाबत विचारणा केली. तसेच विधानसभेत याबाबत प्रश्न उपस्थित करणार असल्याचे सांगत भाजपचे १०५ आमदार विधानसभेचं कामकाज चालू देणार नसल्याचा इशाराही देऊन टाकल्याचा ऑडिओ क्लिप चार दिवसांपूर्वीच व्हायरल झाली आहे. 


परतुरमध्ये ओमप्रकाश मोर यांचे किराणा दुकान आहे. या किराणा दुकानातून गुटखा विक्री होत असल्याची माहिती पोलिसांना मिळाली होती. या माहितीवरून प्रशिक्षणार्थी आयपीएस अधिकारी हसन गौहर यांनी पोलिसांचे पथक सोबत घेऊन धाड टाकली. पण धाडीत पोलिसांच्या हाती काहीच लागले नाही. धाड टाकताना पोलिसांकडे कोर्टाचे ऑर्डर नसल्यानं आमदार लोणीकर यांनी पोलीस अधिकारी गौहर यांची चांगलीच खरडपट्टी काढली. गौहर हे बिहारमधील रहिवासी आहेत. याचा उल्लेख करत लोणीकरांनी हा महाराष्ट्र आहे बिहार नाही असे ठणकावून सांगत महाराष्ट्रात तुमची गुंडागिरी चालणार नाही असेही गौहर यांना सांगितले.

संपादन - गणेश पिटेकर