...आणि त्याच्या डोक्यावरून गेले जेसीबीचे चाक

Aurangabad news
Aurangabad news

शिवना (जि. औरंगाबाद) : केंद्रीय महामार्ग प्राधिकरणाच्या अकोला विभागांतर्गत सुरू असलेल्या अजिंठा - बुलडाणा राज्यमार्गाच्या कामावर जेसीबी यंत्राच्या चाकाखाली येऊन एका मजुराचा मृत्यू झाला. ही घटना मंगळवारी (ता. 31) सायंकाळी साडेसहाच्या सुमारास भोरखेडा फाट्यानजीक घडली.

सध्या अजिंठा-बुलडाणा राज्यमार्गाच्या दुपदरीकरणाचे काम प्रगतिपथावर आहे. या रस्त्याच्या पॅचिंगचे काम सुरू असताना जेसीबी यंत्र मागे घेण्याच्या नादात चालकाला अंदाज आला नाही आणि यंत्राच्या मागे काम करीत असलेला कामगार चाकाखाली आला. 

आशुतोष अरुणकुमार पासवान (वय 30, रा. महादा बननी, खडगिया, बिहार) असे या मजुराचे नाव आहे. त्याच्या डोक्‍यावरून जेसीबीचे चाक गेल्याने तो जागीच गतप्राण झाला. 

या सिमेंट रस्त्याच्या सिमेंटीकरणाचे काम परराज्यातील स्फायरो ही बांधकाम कंपनी करीत आहे. कामावर जवळपास सर्वच मजूर उत्तर प्रदेश, बिहारमधील रहिवासी आहेत. 

जेसीबी चालकाला मारहाण

जेसीबी चालकाने अचानक जेसीबी मागे घेतल्याने काम करीत असलेल्या पासवान याच्या डोक्‍यावरून चाक गेले. त्यात तो ठार झाला. त्यामुळे संतप्त झालेल्या बिहारी मजुरांनी त्यांचाच सहकारी असलेल्या बिहारी जेसीबी चालकाला (नाव कळू शकले नाही) बेदम मारहाण केली. 

या मारहाणीत गंभीर जखमी झालेल्या चालकाला पोलिसांच्या मदतीने स्थानिक नागरिकांनी रुग्णालयात दाखल केले. त्याची प्रकृतीही चिंताजनक असल्याचे समजते. अजिंठ्याचे सहायक पोलिस निरीक्षक किरण आहेर यांच्या मार्गदर्शनाखाली बीट जमादार रविकिरण भारती, दीपक भंगाळे पुढील तपास करीत आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com