पित्याकडून पाच वर्षाच्या बालकावर वस्ताऱ्याने वार | Sakal
sakal

बोलून बातमी शोधा

Aurangabad Five years from the father child Stab with razor
पित्याकडून पाच वर्षाच्या बालकावर वस्ताऱ्याने वार

औरंगाबाद : पित्याकडून पाच वर्षाच्या बालकावर वस्ताऱ्याने वार

कन्नड : कौटुंबिक वादातून (Family disputes) एका पित्याने आपल्याच पाच वर्षाच्या मुलावर वस्ताऱ्याने वार करून गंभीर जखमी (Seriously injured) केल्याची घटना सायगव्हाण (ता.कन्नड)येथे घडली. यानंतर सदर पित्यानेही स्वतःलाही जखमी करून घेतले आहे.

कन्नड ग्रामीण पोलिस (Kannad Gramin Police) ठाण्याचे निरिक्षक बालक कोळी यांनी सांगितले की, योगेश हरी गोपाळ (रा. हेंद्रुन ता.जि.धुळे) याचे पत्नीशी काही दिवसांपासून कौटुंबिक वाद सुरू होता. पत्नी पाच वर्षाच्या मुलासह माहेरी सायगव्हाण येथे आली होती. पत्नी सविता गोपाळ (वय २८) हिला भेटण्यासाठी पती (ता.३१) रोजी सायगव्हाण येथे आला होता.

हेही वाचा: अण्णा भाऊ साठेंची अवहेलना

येथे सायंकाळी सात वाजेच्या सुमारास घरामागील मोकळ्या जागेत पतीने पत्नीला बोलावले. ती न आल्याने पाच वर्षाच्या बालकास जवळ घेत वेठीस धरले. तरीही पत्नी न आल्याने पित्याने पाच वर्षाच्या मुलावर वस्ताऱ्याने वार करून गंभीर जखमी केले. यानंतर आरडाओरडा ऐकून ग्रामस्थ मदतीला धावले. तसेच जखमी बालकाला पित्याच्या तावडीतून सोडविले. यानंतर ग्रामस्थांनी पती पत्नीमध्ये मध्यस्थी करण्याचा प्रयत्न केला. मात्र संतापलेल्या योगेश गोपाळ यांनी स्वतःवरही वस्तरा मारून घेतला.

दरम्यान, या घटनेनंतर ग्रामस्थांनी लहान मुलास चाळीसगाव येथील खासगी रुग्णालयांमध्ये उपचारार्थ दाखल केले. याप्रकरणी पत्नी सविता गोपाळ (वय २८, रा. हेंद्रुन ता.जि.धुळे) यांनी कन्नड पोलिस ठाण्यात पतीविरुध्द फिर्याद दिली. यावरून भादवी कलम ३०७ अन्वये गुन्हा नोंदविण्यात आला आहे. आरोपीस पोलिस कोठडी संपल्यानंतर (ता.३) न्यायालयात हजर केले असता न्यायालयाने हर्सूल कारागृहात केली. पुढील तपास पोलिस निरीक्षक कोळी यांच्या मार्गदर्शनाखाली पोलिस उपनिरीक्षक सागरसिंग राजपूत हे करीत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top