औरंगाबाद : मोठ्या धरणांत ४१ टक्के पाणीसाठा | Sakal
sakal

बोलून बातमी शोधा

Aurangabad lack of rainfall water scarcity

औरंगाबाद : मोठ्या धरणांत ४१ टक्के पाणीसाठा

औरंगाबाद : पावसाला सुरूवात होऊन महिना झाला असला तरी अद्याप मराठवाड्यातील ११ मोठ्या धरणांमध्ये फक्त ४१ टक्के पाणीसाठा आहे. सध्या या धरणांमध्ये २ हजार ११९ दशलक्ष घनमीटर इतका पाणीसाठा आहे. तर या धरणक्षेत्रांमध्ये जूनपासून आतापर्यंत १,७३५ मिलीमीटर पाऊस झाला आहे. गेल्यावर्षी जूनपासून चार जुलैपर्यंत २,१४२ मिलीमीटर पाऊस झाला होता.

मराठवाड्यात ११ मोठी धरणे आहेत. या ११ धरणांची ५,१५६ दशलक्ष घनमीटर साठवण क्षमता आहे. यामध्ये सर्वात मोठे जायकवाडी धरण असून यामध्ये सध्या ७३३ दशलक्ष घनमीटर इतका पाणीसाठा आहे. हे प्रमाण ३३ टक्के इतके आहे. निम्न दुधना धरणात सध्या १४० दशलक्ष घनमीटर इतका पाणीसाठा आहे. हे प्रमाण ५७ टक्के इतके आहे. येलदरीमध्ये सध्या ४३७ दशलक्ष घनमीटर इतका पाणीसाठा आहे. हे प्रमाण ५४ टक्के इतके आहे.

माजलगावमध्ये सध्या ९७ दशलक्ष घनमीटर इतका पाणीसाठा आहे. हे प्रमाण ३१ टक्के इतके आहे. मांजरा मध्ये सध्या ४९ दशलक्ष घनमीटर इतका पाणीसाठा आहे. हे प्रमाण २७ टक्के इतके आहे. उर्ध्व पेनगंगामध्ये सध्या ४९९ दशलक्ष घनमीटर इतका पाणीसाठा आहे. हे प्रमाण ५१ टक्के इतके आहे. निम्न मनारमध्ये सध्या ४५ दशलक्ष घनमीटर इतका पाणीसाठा आहे. हे प्रमाण ३२ टक्के इतके आहे.

निम्न तेरणा मध्ये सध्या ४५ दशलक्ष घनमीटर इतका पाणीसाठा आहे. हे प्रमाण ४९ टक्के इतके आहे. विष्णुपुरी मध्ये सध्या ५६ दशलक्ष घनमीटर इतका पाणीसाठा आहे. हे प्रमाण ७० टक्के इतके आहे. सीना कोळेगावमध्ये सध्या १४ दशलक्ष घनमीटर इतका पाणीसाठा आहे. हे प्रमाण १६ टक्के इतके असल्याचे जलसंपदा विभागाच्या अहवालात म्हटले आहे.

प्रमाण कमीच

गेल्यावर्षीच्या तुलनेत यंदा पावसाचे आतापर्यंत प्रमाण कमीच आहे. गेल्यावर्षी जूनपासून चार जुलैपर्यंत या ११ धरणांच्या क्षेत्रात २,१४२ मिलीमीटर पावसाची नोंद झाली होती. तर यंदा या तारखेपर्यंत १७३५ मिलीमीटर पावसाची नोंद झाली असल्याचे जलसंपदा विभागाच्या अहवालात म्हटले आहे.

Web Title: Aurangabad Lack Of Rainfall Water Scarcity Marathwada Largest Jayakwadi Dam Only 33 Water Storage

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..