वीस हजार बालकांच्या नोंदीच नाहीत

औरंगाबाद : नागरिकांना चांगल्या सुविधा देण्यासाठी ऑनलाईन कारभारावर भर दिला जात असला तरी महापालिकेत Aurangabad Municipal Corporation मात्र अद्याप फाईल फाईलचा खेळ सुरू आहे. शहरातील विविध प्रसुतीगृहात जन्मलेल्या Birth Registration बालकांची नोंदी ऑनलाईनवर अपडेट करणे गरजेचे आहे. पण २०१६ पासून आतापर्यंत सुमारे २० हजार बालकांच्या नोंदी अपडेट Newborn Birth Registration झालेल्‍या नाहीत. अशी स्थिती मृत्यू झालेल्या नागरिकांच्या बाबत असल्याचे समोर आले आहे. त्यामुळे आगामी आणि मृत्युमुखी पडलेल्या नागरिकांचा अहवाल मागील चार वर्षांपासून ऑनलाईन अपडेट केल्या गेला नाहीत. त्यामुळे नागरिकांना जन्म आणि मृत्युचा दाखला जरी मिळाला असला तरी शासन दरबारी त्याची नोंद बाकी आहे. त्यामुळे आगामी दीड महिन्यात या नोंदी अपडेट करण्याच्या सूचना सर्व वॉर्ड कार्यालयांना देण्यात आल्या असल्याचे महापालिकेचे आरोग्य वैद्यकीय अधिकारी डॉ. पारस मंडलेचा यांनी सांगितले. शहरात जन्मलेल्या बालकांच्या व मृत्यूमुखी पडलेल्या नागरिकांच्या नोंदी महापालिकेकडे असतात. त्याच्या आधारावर जन्म-मृत्यू प्रमाणपत्र दिले जाते. महापालिकेने लेखी नोंदीनुसार जन्म-मृत्यू प्रमाणपत्र दिले आहेत. पण त्यांच्या नोंदी शासनाच्या वेबासईटवर अद्याप झालेल्या नाहीत. गेल्या चार वर्षांत किमान २० हजार नवजात बालकांच्या नोंदी अपडेट नाहीत. तसेच मृत्यु झालेल्या हजारो नागरिकांची देखील ऑनलाईन नोंद करणे आवश्यक आहे. या विषयी डॉ. मंडलेचा यांनी वॉर्ड अधिकाऱ्यांची बैठक घेत दीड महिन्यात संपूर्ण नोंदी अपडेट करण्याच्या सूचना केल्या आहेत.aurangabad live news 20 thousand new born children birth registration not updated

कुठे कर्मचारी नाही

नोंदी अपडेट करण्यासाठी अनेक अडचणी असल्याचा पाढा वॉर्ड अधिकाऱ्यांनी वाचला. आमच्याकडे संगणक नाही, डाटा ऑपरेटर नाही, असे अनेकांचे म्हणणे होते. त्यानुसार संगणक व कर्मचारी दिले जात आहेत, असे डॉ. मंडलेचा यांनी सांगितले.

नर्सिंग होमला देणार सॉफ्टवेअर

शहरातील ५०० अधिकृत नर्सिंग होमला जन्माची नोंद करण्यासाठी सॉफ्टवेअर देण्यात येणार आहे. त्यामुळे प्रत्येक महिन्याचा पाच तारेखेपर्यंत हा डाटा अपडेट होईल. त्यानंतर जन्माचा दाखला वॉर्ड कार्यालयात अधिकाऱ्यांच्या डिजिटल सहीसह तयार राहील. त्यामुळे जन्माचा दाखला काढण्यासाठी नागरिकांना चकरा माराव्या लागणार नाही, असे डॉ. मंडलेचा यांनी सांगितले.