पोलिस उपायुक्तांच्या दालनात  तक्रारदार महिलेचा विष पिण्याचा प्रयत्न वाचा कुठे घडली घटना..

crime
crime
Updated on

औरंगाबाद : घरात घुसून लाठ्या काठ्यांनी मारहाण व विनयभंगप्रकरणी गुन्हा दाखल असूनही संशयितांवर वाळूज पोलिसांकडून अपेक्षित कारवाई होत नसल्याचा आरोप करीत ४५ वर्षीय पीडितेने पोलिस आयुक्तालयात उपायुक्तांच्या दालनात विषारी द्रव प्राशन करण्याचा प्रयत्न केला. हा प्रकार सोमवारी (ता. १६) दुपारी एकच्या सुमारास घडला. 

दहेगाव बंगला (ता. गंगापूर) येथील एका पीडितेने १० मार्चला वाळूज ठाण्यात घरात घुसून लाठ्या काठ्यांनी मारहाण झाल्याची व विनयभंग केल्याप्रकरणी तक्रार दिली.

या प्रकरणी ठाण्यात गुन्ह्याचीही नोंद करण्यात आली. पण वाळूज पोलिस कारवाई करीत नसल्याचा महिलेचा आरोप आहे. पीडितेने पोलिस उपायुक्तांकडे धाव घेतली. परंतु, कारवाई होत नसल्याची भावना झाल्याने १६ मार्चला विषारी द्रव घेऊन पीडिता पोलिस आयुक्तालयात आली.

तिच्यासोबत तिचे इतर नातेवाईक होते. ते उपायुक्त मीना मकवाना यांच्या दालनात गेले. तेथे मकवाना यांच्याशी चर्चा सुरू असतानाच पीडितेने विषारी द्रव पिण्याचा प्रयत्न केला. ही बाब एका पोलिस कर्मचाऱ्याने पाहिली. त्या कर्मचाऱ्याने तात्काळ पीडितेला रोखले.

त्यानंतर पोलिसांनी तिला घाटी रुग्णालयात दाखल केले. तिची प्रकृती ठिक आहे. १० मार्च रोजी गुन्हा नोंद झाल्यापासून १६ मार्चपर्यंत वाळूज पोलिसांनी कारवाई केली नव्हती असे पीडितेचे म्हणणे आहे. या घटनेमुळे आयुक्त कार्यालयात काही वेळ एकच धावपळ उडाली होती. 

गणेश राऊत आणि विक्रम राऊत हे सावत्र भाऊ आहेत. त्यांचा अंतर्गत व राजकारणातील कलह अनेक दिवसांपासून आहे. त्यांच्यावर परस्परविरोधी गुन्हे नोंद आहेत. महिलेने दाखल केलेल्या तक्रारीनंतर दाखल गुन्ह्यात सोमवारी (ता. १६) संशयित आरोपींनी अटक करुन न्यायालयात हजर करण्यात आले. 
- संदीप गुरमे, पोलिस निरीक्षक, वाळूज ठाणे. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com