सिल्लोड-भोकरदन रस्ता रहदारीसाठी बंद, पावसामुळे रस्ता चिखलमय | Aurangabad News | Sakal
sakal

बोलून बातमी शोधा

Aurangabad News

सिल्लोड-भोकरदन रस्ता रहदारीसाठी बंद, पावसामुळे रस्ता चिखलमय

शिवना (जि.औरंगाबाद) : पुलाच्या कामासाठी काळ्या मातीचा भराव टाकून तयार केलेला वळण रस्ता पावसात चिखलाने माखल्याने या रस्त्यात शुक्रवारी (ता.१५) एक अवाढव्य ट्रक फसला. त्यामुळे शिवना (ता. सिल्लोड) ते भोकरदन शहराला जोडणाऱ्या या रस्त्यावर जवळपास चार तास वाहतूक ठप्प झाली होती. शिवना येथील शिवाजीनगर वसाहतीलगत महावितरणच्या ३३ केव्ही उपकेंद्रासमोर सध्या पुलाचे काम सुरू आहे. (Aurangabad Updates Sillod Bhokardan Close For Transport)

हेही वाचा: मोदींपेक्षा चांगला श्रोता मिळालाच नाही, विवेक अग्निहोत्रींनी केली प्रशंसा

संबंधित कंत्राटदाराने या पुलाच्या कामासाठी वळण रस्ता काढला. मात्र, त्यावर मुरूम न टाकता काळ्या मातीचा भराव टाकला. पाच दिवसांपासून सुरु असलेल्या पावसामुळे हा रस्ता चिखलमय झाला. यातून लहान-मोठी वाहने सुरुवातीला निघाली. मात्र, रिमझिम पावसात या रस्त्यावर चिखल झाल्याने हे अवजड वाहन फसले. (Aurangabad News)

हेही वाचा: देव-देवतांची फोटो शेअर करत प्रकाश राज म्हणाले,आपण कुठे चाललो आहोत?

त्यानंतर जेसीबी आणि ट्रॅक्टरच्या साहाय्याने ट्रकला बाहेर काढल्या नंतरही या रस्त्यावर भलमोठा खड्डा पडल्याने वाहतूक सुरळीत झाली नाही. सिल्लोड (Sillod) व भोकरदन या दोन तालुक्यांना जोडणाऱ्या या रस्त्यावर सध्या रहदारीसाठी बंद आहे.

Web Title: Aurangabad Updates Sillod Bhokardan Close For Transport

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..