Aurangabad Crime| बजाजनगरामध्ये दुकानदाराला बेदम मारहाण, दुकानाची तोडफोड

वाळूज (जि.औरंगाबाद ) : तीन ते चार जणांनी अचानक येऊन दुकानावर दगडफेक करून काचा फोडल्या. त्यानंतर दुकानदाराला लाथाबुक्क्यांनी मारहाण करत धारदार शस्त्राने खुपसून टाकण्याची धमकी दिल्याची घटना बुधवारी (ता.३०) दुपारी औरंगाबादमधील (Aurangabad) बजाजनगर (Bajajnagar) येथे घडली. बजाजनगर येथील आरएम ९७ येथे श्री ऑटो केअर या दुकानात दुकानदार भूषण रूपचंद अग्रवाल, त्यांचा मित्र सागर चोरडिया व ग्राहक असे बसलेले असताना तीन ते चार जण अचानक दुकानावर आले. (Brutally Beaten Shop Keeper In Bajajnagar Of Aurangabad)

त्यांनी शिवीगाळ करत दुकानाच्या काचा फोडल्या. त्यानंतर भूषण अग्रवाल याला शिवीगाळ करत लाथाबुक्क्यांनी व हाताचापटाने बेदम मारहाण केली. विशेष म्हणजे धारदार हत्यारानी खुपसून टाकण्याची व दुचाकीतील पेट्रोल काढून दुकान जाळण्याची धमकीही हल्लेखोरांनी दिली.

या घटनेनंतर बजाजनगर परिसरात व्यापाऱ्यांमध्ये दहशतीचे वातावरण निर्माण झाले असून हल्लेखोरांना अटक करण्याची मागणी होत आहे.