Chhatrapati Sambhajinagar: गृह, सराफा, वाहन बाजाराला अक्षय्य लाभ!; मुहूर्त साधण्यासाठी शहरातील बाजारपेठांमध्ये खरेदीचा उत्साह

छत्रपती संभाजीनगर: साडेतीन मुहूर्तांपैकी एक मानल्या जाणाऱ्या अक्षय्य तृतीयेनिमित्त शहरातील बाजारपेठांमध्ये खरेदीचा उत्साह शिगेला पोचला आहे. पूर्वसंध्येपासूनच तसेच शनिवारी (ता. १८) दिवसभर घरे, बांधकाम साहित्य, सराफा आणि वाहन बाजारात ग्राहकांची मोठी गर्दी पाहायला मिळाली. यामुळे प्रमुख बाजारपेठा गजबजून गेल्या आहेत.