छत्रपती संभाजीनगर शहरातील वाळूज परिसरात उद्योजक संतोष लड्डा यांच्या बंगल्यावर टाकण्यात आलेल्या सुमारे ६ कोटी रुपयांच्या दरोड्याच्या प्रकरणाने खळबळ उडवली होती. या प्रकरणातील संशयीत मुख्य सूत्रधाराला अखेर पोलिसांनी काल रात्री वडगाव कोल्हाटी परिसरात चकमकीत ठार केले. पोलिसांवर गाडी घालून पळून जाण्याचा प्रयत्न करणाऱ्या या आरोपीला बेड्या ठोकण्यासाठी गुन्हे शाखेने प्रचंड गुप्तता बाळगली होती. या कारवाईमुळे शहरात पुन्हा एकदा पोलिसांच्या धडाडीची चर्चा सुरू आहे.