ट्रक चोरीला गेला... पोलिसांनाही सापडेना, पण कर्जाचे हप्ते सुरू... अखेर तरुणाने संपवले जीवन, आईची मागितली माफी

छत्रपती संभाजीनगर शहरातील जय भवानीनगर येथे एका २६ वर्षीय युवकाने कर्जाच्या दडपणामुळे आपले जीवन संपवल्याची दुर्दैवी घटना समोर आली आहे. चोरीला गेलेला ट्रक पोलिसांच्या हाती लागला नसल्याने आणि त्यावरील कर्जाचे हप्ते मात्र सतत सुरू राहिल्याने दीड वर्षांपासून आर्थिक अडचणीत सापडलेल्या या युवकाने पोलिसांविरुद्ध नोट लिहून आपल्या जीवनयात्रेचा शेवट केला.