Chhatrapati Sambhajinagar
esakal
छत्रपती संभाजीनगर: 'माझे अनेक मंत्र्यांशी संबंध आहेत, तुला सरळसेवा भरतीअंतर्गत अन्न व नागरी पुरवठा विभागात निरीक्षकपदी नोकरी लावून देतो', अशी थाप मारत विद्युत विभागातील कंत्राटी कर्मचाऱ्याला एकाने २१ लाख रुपयांचा गंडा घातला. ही घटना पाच जून ते २० जून २०२५ या १५ दिवसांत कॅनॉट प्लेस परिसरात घडली. याप्रकरणी सिडको पोलिस ठाण्यात फसवणूक करणाऱ्या अभिषेक अजय सावरीकर (रा. मॉडर्न कॉलनी, पुणे) याच्याविरोधात गुन्हा दाखल करण्यात आला आहे, अशी माहिती पोलिसांनी दिली.
