संभाजीनगर शहरात एका धक्कादायक खुनाने सर्वत्र खळबळ उडाली आहे. हर्सूल परिसरातील सचिन पुंडलिक औताडे (वय 32) याचा प्रेमप्रकरणातून गळा चिरून खून करण्यात आला. कॅनॉट भागात त्याच्या प्रेयसीने तिच्या मामेभावाच्या मदतीने हा खून केला. यानंतर मृतदेह पैठण येथील गोदावरी नदीत फेकण्यात आला, जो मुंगी (ता. शेवगाव) येथे तरंगताना आढळला. अहिल्यानगर पोलिसांनी अवघ्या चार दिवसांत दोन आरोपींना अटक केली असून, एकजण पसार आहे.