औरंगाबाद पालिका निवडणुकीची तयारी, प्रभाग रचनेसाठी समिती स्थापन

औरंगाबाद महापालिकेच्या आगामी निवडणुकीसाठी प्रभाग रचनेचा कच्चा आराखडा तयार करण्याचे आदेश राज्य निवडणूक आयोगातर्फे महापालिकेला देण्यात आले आहेत.
औरंगाबाद महापालिका
औरंगाबाद महापालिका

औरंगाबाद : महापालिकेच्या आगामी निवडणुकीसाठी प्रभाग रचनेचा कच्चा आराखडा तयार करण्याचे आदेश राज्य निवडणूक आयोगातर्फे महापालिकेला देण्यात आले आहेत. त्यानुसार समिती स्थापन करण्यात आली आहे. लवकरच कामकाज सुरु होईल, असे महापालिकेचे प्रशासक तथा आयुक्त आस्तिककुमार पांडेय (Astik Kumar Pandey) यांनी सांगितले. राज्य शासनाने महापालिकेच्या निवडणुका त्रिसदस्यीय प्रभाग रचनेनुसार घेण्याचा निर्णय घेतला आहे. त्यानुसार राज्य निवडणूक आयोगाने (Maharashtra State Election Commission) महापालिकेच्या आगामी निवडणुकीसाठी प्रभाग रचनेचा कच्चा आराखडा तयार करण्याचे आदेश दिले आहेत. या संदर्भात पत्रकारांनी विचारलेल्या प्रश्नावर पांडेय म्हणाले, की महापालिकेच्या जुन्या वाॅर्ड रचनेवर आक्षेप घेणारी याचिका सर्वोच्च न्यायालयात प्रलंबित आहे. मात्र आता राज्य (Aurangabad) सरकारने वाॅर्ड पद्धत बंद करुन त्रिसदस्यीय प्रभाग रचनेनुसार निवडणूक घेण्याचा निर्णय घेतला. त्यामुळे जुनी वाॅर्ड रचना आपोआप रद्द होणार आहे. तसे सर्वोच्च न्यायालयात कळविल्यानंतर ही याचिका निकाली निघू शकते. दरम्यान राज्य निवडणूक आयोगाने (Aurangabad Municipal Corporation Election) केवळ कच्चा आराखडा तयार करण्याचे आदेश दिले आहेत.

औरंगाबाद महापालिका
देगलूर पोटनिवडणुकीच्या रिंगणात बारा जण, २३ अर्ज झाले होते दाखल

महापालिकेचे कामकाज राज्य सरकारच्या आदेशानुसार चालते. त्यामुळे आयोगाच्या आदेशानुसार प्रभाग रचनेचा कच्चा आराखडा तयार करण्यासाठी आयुक्तांच्या अध्यक्षतेखाली समिती स्थापन करण्यात आली आहे. त्यात अतिरिक्त आयुक्त बी.बी.नेमाने, उपायुक्त संतोष टेंगळे, सहायक संचालक नगररचना जयंत खरवडकर यांचा समावेश आहे. लवकरच प्रभाग रचनेचा कच्चा आराखडा तयार करण्याचे काम सुरु केले जाईल. हे काम गोपनीय पद्धतीचे आहे, असे पांडेय यांनी नमूद केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com