औरंगाबादेत आता फक्त दुसरा डोस!

१८ ते ४४ वयोगटाचे लसीकरण तात्पुरते स्थगित, शहराला मंगळवारी मिळाल्या साडेनऊ हजार लसी
corona vaccination
corona vaccinationcorona vaccination

औरंगाबाद: कोरोना प्रतिबंधक लसींचा खेळखंडोबा सुरूच आहे. महापालिकेला आणखी साडेनऊ हजार लसी मिळाल्या असल्या तरी त्यातून फक्त ४५ वर्षावरील नागरिकांच्या दुसऱ्या डोसला प्राधान्य दिले जाणार आहे. राज्य सरकारतर्फे सुरू असलेल्या १८ ते ४४ वयोगटातील नागरिकांच्या लसीकरणाला तूर्त स्थगिती देण्यात आल्याचे महापालिकेच्या आरोग्य वैद्यकीय अधिकारी डॉ. नीता पाडळकर यांनी सांगितले.

शहरात गेल्या काही दिवसांपासून लसीकरणाचे वांधे झाले आहेत. नागरिकांना तासन्तास रांगेत थांबल्यानंतरही लस मिळेल का? याची शाश्‍वती राहिलेली नाही. तसेच वारंवार लसीकरण केंद्र बदलले जात आहेत. अचानक शासनाकडून लसींचा पुरवठा केला जातो तर कधी लसीच मिळत नाहीत. त्यामुळे नागरिक त्रस्त आहेत. शहरात आतापर्यंत दोन लाख ६० हजार नागरिकांचे लसीकरण झाले असून, त्यात दुसऱ्या डोसच्या प्रतिक्षेत १४ हजार नागरिक आहेत. लसींचा पुरवठाच कमी होत असल्याने दुसऱ्या डोसच्या प्रतीक्षेत असलेल्या नागरिकांची संख्या वाढत आहे. त्यामुळे राज्य शासनाने नागरिकांना दुसरा डोस देण्यास प्राधान्य देण्याचे ठरवले आहे.

corona vaccination
चांगली बातमी! औरंगाबादेत नवीन रुग्णांपेक्षा कोरोमुक्तांची संख्या जास्त

त्याकरिता १८ ते ४४ वयोगटातील नागरिकांच्या लसीकरणाला तूर्त स्थगिती देण्याचा निर्णय घेण्यात आला आहे. दरम्यान, मंगळवारी महापालिकेला नऊ हजार ५०० एवढ्या लस मिळाल्या. तसेच १८ ते ४४ वयोगटातील नागरिकांसाठी मिळालेली लस देखील दुसरा डोस देण्याकरिता वापरली जाणार आहे. बुधवारी (ता.१२) दुसऱ्या डोससाठी ६० केंद्रांवर लसीकरणाचे नियोजन करण्यात आले असल्याचे डॉ. नीता पाडळकर यांनी सांगितले.

कोव्हॅक्सीन मिळणार सहा केंद्रांवर
कोव्हॅक्सीन लसीचा पहिला डोस घेतलेल्या नागरिकांना दुसरा डोस देण्याकरिता सादातनगर, कैसर कॉलनी, मुकुंदवाडी, क्रांती चौक, चेतनानगर, लायन्स नेत्र रुग्णालय एन-१ या सहा केंद्रावर बुधवारी व्यवस्था करण्यात आली आहे.

corona vaccination
International Nurses Day: अनाथ रूपाली बनली कोरोना रुग्णांसाठी आधार

पाच हजार जणांनी घेतला पहिला डोस
१८ ते ४४ वयोगटातील नागरिकांना राज्य शासनातर्फे मोफत लस दिली जात आहे. त्यासाठी सहा केंद्र तयार करण्यात आले होते. तिथे पहिला डोस दिला जात आहे. आतापर्यंत पाच हजार नागरिकांना लस देण्यात आली आहे. त्यानंतर आता लसीकरणाला स्थगिती देण्याचा निर्णय घेण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com