Dharashiv
esakal
धाराशिव: मराठी नववर्ष आणि गुढीपाडव्याचे औचित्य साधून शहराच्या मध्यवर्ती भागात असलेल्या गवळी गल्लीत शतकानुशतकांपासून चालत आलेली म्हशी व रेडे पळविण्याची परंपरा यंदाही अत्यंत उत्साहात साजरी करण्यात आली. हलगीचा कडकडाट, फटाक्यांची आतषबाजी आणि पशूंच्या खुरांनी उडालेली धूळ, अशा वातावरणात पशुपालकांनी आपल्या जिवापाड जपलेल्या जनावरांचे कौशल्य दाखविले.