Chhatrapati Sambhajinagar: शेतकऱ्यांना कॅनमध्ये डिझेल देण्यासंदर्भात पुरवठा विभागाचे महत्त्वाचे आदेश

छत्रपती संभाजीनगर: जिल्ह्यात डिझेलचा पुरवठा विस्कळित झाला. पेट्रोल पंपांवर कॅनमध्ये पेट्रोल-डिझेल देण्यावर बीपीसीएल कंपनीने निर्बंध आणले होते. यामुळे शेतीकामासाठी डिझेलवर अवलंबून असलेल्या शेतकऱ्यांची मोठी गैरसोय होत होती. जिल्हा पुरवठा विभागाने हस्तक्षेप करत शेतकऱ्यांची अडवणूक करू नये आणि त्यांना कॅनमध्ये डिझेल द्यावे, असे आदेश पेट्रोल पंप चालकांना दिले.