औरंगाबाद : पशु पालकांसाठी राज्य सरकार ‘महा पशुधन संजीवनी योजना सुरू करण्यात आली आहे. या योजनेअंतर्गत १९६२ या टोल फ्री नंबर वर फोन करून पशुपालक हे घर बसल्या आपल्या जनावरांच्या आजारा संदर्भात सुविधेचा लाभ घेऊ शकतात.
राज्यातील शेतकरी व पशुपालकांसाठी शासनाच्यावतीने जानेवारीत महा पशूधन संजीवनी ही योजना ‘मुख्यमंत्री स्वास्थ योजने’त लागू केली आहे. या योजनेमार्फत पशू संदर्भात सर्व आजाराच्या उपचाराबाबत माहिती एका फोनवरून मिळणार आहे. यात पशूचे आजार, लसीकरण, कृत्रीम रेतन, पशू संगोपन अशा सेवांची माहिती मिळणार आहे. यासाठी शेतकऱ्यांनी टोल-फ्री नंबर १९६२ या नंबरवर फोन करायचा आहे. दरम्यान ही सेवा राज्यात पहिल्या टप्यात ३१ जिल्ह्यात सुरू असून ८१ तालुक्यातही सेवा देण्यात येत आहे.
जनावराची अॅम्बुलन्स
दरम्यान जिल्ह्यासाठी मुख्यमंत्री स्वास्थ योजने’अंतर्गत तीन फिरत्या जनावराची अॅम्बुलन्स मंजूर करण्यात आली आहे. त्यांपैकी सोयगाव तालुका हा दुर्गम भाग असल्याने या ठिकाणी एक फिरती अॅम्बुलन्स वाहन मिळाली आहे. परंतु यासाठी लागणारे पशुधन विकास अधिकाऱ्यांचे पद रिक्त असल्यामुळे सोयगावातील एकट्या अधिकाऱ्यावर कामाचा तान पडत आहे.
जिल्ह्यात सोयगाव, सिल्लोड, कन्नड या तालुक्यात प्रथम श्रेणीच्या पशू वैद्यकीय दवाखान्यात तसेच इतर अधिकाऱ्यांची पदे रिक्त आहेत. यासंदर्भात शासनाला पत्रव्यवहारही करण्यात आला आहे. परंतु अद्याप कोणतीही कारवाई करण्यात आलेली नाही त्यामुळे त्या ठिकाणी पदावर असलेल्या अधिकारी कर्मचाऱ्यांवर कामाचा मोठा ताण निर्माण होतो आहे. -डॉ. सुरेखा माने, जिल्हा पशुसंवर्धन अधिकारी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
