ड्युटी करून घरी जाताना होते मनाची घालमेल

औरंगाबाद : एकीकडे जगभरात कोरोनामुळे प्रत्येकजण भयभीत झाला आहे, तर दुसरीकडे या कोरोनाचा प्रादुर्भाव रोखण्यासाठी डॉक्टर्स, पोलिस आपले कर्तव्य बजावत आहेत. रस्त्यावर काम करून घरी गेल्यानंतर घरातील माणसांमध्ये मिसळण्याची भीती वाटते, त्यात पुन्हा आपल्यालाच घरातील देखील कामे करावे लागत असल्याने आणखी भीती निर्माण होत आहे. प्रत्येकजण स्वत:ची काळजी घेत असताना नेमके आम्हालाच काळजी घेता येत नसल्याची खंत कर्तव्यावरील कर्मचारी व्यक्त करीत आहेत. 

हेही वाचा : थेट कोरोना बाधितांच्या वाॅर्डातुन, असा आहे रुग्णांचा दिनक्रम

कोरोना विषाणूला रोखण्यासाठी कर्तव्य बजावणाऱ्या पोलिस अधिकारी व कर्मचाऱ्यांना विविध ठिकाणी फिरावे लागते, अनेकांशी थेट संपर्क येतो. त्यामुळे विशेष काळजी घ्यावी लागत आहे. मास्कचा व सॅनिटायझरचा वापर करावा, असे आवाहन सर्वच करीत आहेत. मात्र, घरातील व्यक्तींच्या आरोग्याबाबत अधिक जागरूक राहावे. दैनदिन कर्तव्य पार पाडताना आपल्या आरोग्याचीही काळजी घ्यावी लागत आहे. 

हेही वाचा : पद्धतशीर दृष्टीकोन ठेऊन लाॅकडाऊन उठवु शकतो - उद्योजक सुनील किर्दक

कायदा सुव्यवस्थेचा ताण पोलिसांवर असतो. शहरातील वाहतूक व्यवस्था, गर्दीच्या ठिकाणी पोलिसांना कर्तव्य बजावावे लागते. सध्या कोरोनाचा प्रतिबंध करण्यासाठी जिल्हा प्रशासनासोबतच पोलिसांना रस्त्यावर उतरावे लागले आहे. शाळा, महाविद्यालयांसह मंदिरे बंद आहेत. सर्वसामान्य नागरिकही आरोग्याची काळजी घेत आहेत. दुसरीकडे पोलिस ठाण्यात काम करणारे पोलिस मात्र स्वतःच्या आरोग्याकडे दुर्लक्ष करतो.

हेही वाचा : कोरोनाबद्दल साहित्यिक म्हणतात.. 

दररोज पोलिस ठाण्यात तक्रार देण्याबरोबरच विविध कामासाठी बहुसंख्य नागरिकांची ये-जा सुरू असते. संशयितांना जेरबंद करून त्यांची चौकशीची प्रक्रिया सुरू असते. त्यांना वैद्यकीय तपासणीसाठी रुग्णालयामध्ये न्यावे लागते. तारखेसाठी न्यायालयात न्यावे लागते. ही कामे करताना पोलिसांना आपल्या आरोग्याची काळजी घेण्याची गरज आहे. 
 

आपल्याला लोकांमध्ये ड्युटी करावी लागते. अशा काळात कोरोनाच्या भीतीमुळे घरातून बाहेरही न निघणाऱ्या मुलांमध्ये मिसळताना, त्यांना जेवायला देताना भीती वाटते; मात्र परिस्थितीला सामोरे जावेच लागणार आहे. आपल्यावरील जबाबदारी निभावत असतानाच घरातील जबाबदाऱ्याही आरोग्याची काळजी घेत निभावत आहोत. 
- रूपा साकला, महिला पोलिस कर्मचारी.