हिंगोली शिवसेनेचा बालेकिल्ला होतोय | Sakal
sakal

बोलून बातमी शोधा

 आयोजित पत्रकार परिषद

हिंगोली शिवसेनेचा बालेकिल्ला होतोय

हिंगोली : हिंगोली जिल्ह्यात शिवसेनेचा विस्तार वाढला असून आता हा जिल्हा शिवसेनेचा बाल्लेकिल्ला होत आहे. आगामी जिल्हा परिषद पंचायत समितीच्या निवडणुकीत शिवसेनेचा भगवा फडकणार असल्याचे मत खासदार प्रा. संजय मंडलिक यांनी शुक्रवारी ता.२५ केले. येथील शासकीय विश्रामगृहात आयोजित पत्रकार परिषदेत ते बोलत होते. शिवसंपर्क अभियानिमित खासदार मंडलीक तीन दिवसापासून हिंगोलीत आहेत. आयोजित पत्रकार परिषदेस खासदार हेमंत पाटील, आमदार संतोष बांगर, शिवसेना उपजिल्हा प्रमुख परमेश्वर मांडगे, युवासेना जिल्हा प्रमुख रामभाऊ कदम, उध्दव गायकवाड, यशोदा कोरडे आदी मान्यवर उपस्थित होते.

खासदार मंडलीक म्हणाले, जिल्ह्यात खासदार हेमंत पाटील, आमदार संतोष बांगर यांच्या कामाचा प्रभाव आहे. तीन दिवसांपासून जिल्ह्यात शिवसंपर्क अभियान सुरू आहे. या कार्यक्रमाला उत्स्फूर्त प्रतिसाद मिळत आहे. भाजप, राष्ट्रवादी काँग्रेस व इतरही पक्षातील पदाधिकारी यांनी शिवसेनेत प्रवेश केला आहे. जिल्ह्यात चैतन्याचे वातावरण आहे. आगामी जिल्हा परिषद, पंचायत समितीच्या निवडणूकीत शिवसेना अधिक मतानी निवडून येणार असून शिवसेनेचा भगवा फडकणार असल्याचे खासदार मंडलिक यांनी सांगितले.

Web Title: Hingoli Becoming Stronghold Shiv

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..