केंद्र व राज्य सरकार गंभीर नसल्याने OBC वर अन्याय : इम्तियाज जलील

औरंगाबाद : केंद्र आणि राज्य सरकार गंभीर नसल्याने ओबीसींवर केवळ अन्याय झाला आहे. आम्ही ओबीसी आरक्षणाला पाठिंबा देतोय, असे मत एमआयएमचे प्रदेशाध्यक्ष तथा खासदार इम्तियाज जलील (Imtiaz Jaleel) यांनी व्यक्त केले आहे. आज सर्वोच्च न्यायालयाने राज्य सरकारचे ओबीसी आरक्षणासंदर्भातील याचिका फेटाळली आहे. यामुळे ओबीसी आरक्षणाशिवाय राज्यातील स्थानिक स्वराज्य संस्थांच्या निवडणुका (Local Body Elections) घेण्याचा आदेश राज्य निवडणूक आयोगाला न्यायालयाने दिला आहे. त्यावर जलील यांनी मत व्यक्त केले आहे.(Imtiaz Jaleel Said, Injustice On OBC Due To Central And State Government)

पुढे ते आपल्या ट्विटमध्ये म्हणतात, जर ५० टक्के लोकसंख्येला आरक्षण दिले जाणार नसेल तर आता १० टक्के लोक १०० जागा लढवतील. हे अवनतीचा मार्ग ठरेल. राजकीय सक्षमीकरणासाठी स्थानिक स्वराज्य संस्थांच्या निवडणुका या मागास समाजासाठी महत्त्वाच्या असतात.