छत्रपती संभाजीनगर: देशातील औद्योगिक उत्पादनाचे मोजमाप अधिक व्यापक आणि अचूक करण्यासाठी केंद्र सरकारकडून ता. १ जूनपासून औद्योगिक उत्पादन निर्देशांकाची (आयआयपी) नवी मालिका लागू करण्यात येत आहे. या बदलामुळे छत्रपती संभाजीनगरसह संपूर्ण मराठवाड्यातील औद्योगिक क्षेत्राच्या कामगिरीचे अधिक वास्तव चित्र देशासमोर येणार असल्याचे मत उद्योग क्षेत्रातून व्यक्त होत आहे.
