Chhatrapati Sambhajinaga News
esakal
छत्रपती संभाजीनगर: शहराच्या २,७४० कोटी रुपयांच्या योजनेअंतर्गत टाकण्यात आलेल्या २,५०० मिलीमीटर व्यासाच्या पाइपलाइनच्या चाचणीला गुरुवारी (ता. २६) ब्रेक लागला. दुपारी १.१५ ला नाथसागरातील पाणी उपसा विहिरीवरील पंप चालू करण्यात आले. हे पाणी ढोरकीनपर्यंत अवघ्या २७ मिनिटांत १२६६० मीटरवरील स्कोअर व्हॉल्व्हपर्यंत पोचले. मात्र, त्यापुढे चार किलोमीटर अंतरावर पाणी येताच लिकेज असल्याचे समोर आले. त्यामुळे पाणी उपसा बंद करण्यात आला. आता हे लिकेज नेमके कशाचे आहे, याचा शोध घेऊन ते बंद केले जाईल, त्यानंतर पुन्हा चाचणीला सुरवात होईल.