Aurangabad News : पेढ्यातून गुंगीचे औषध देऊन विवाहितेवर बलात्कार

वाळूज (जि.औरंगाबाद) : माझा नवस पूर्ण झाला आहे, असे म्हणून २३ वर्षीय एका ओळखीच्या तरुणाने पेढ्यातून गुंगीचे औषध देऊन एका ३० वर्षीय विवाहितेवर अत्याचार करून त्याचा व्हिडिओ काढला. तो व्हायरल करण्याची व जीवे मारण्याची (Waluj) धमकी देत तिच्यावर वेळोवेळी अत्याचार केला. रांजणगाव (शेणपुंजी) येथे घडलेली ही घटना शनिवारी (ता.११) रोजी उघडकीस (Crime Against Woman) आल्याने आरोपीविरुद्ध गुन्हा दाखल करण्यात आला. वाळूज औद्योगिक वसाहतीतील रांजणगाव (शेणपुंजी) येथे विवाहित महिला कुटुंबासह राहते. ८ एप्रिल २०२१ रोजी रात्री नऊ वाजेच्या सुमारास ही महिला घरी एकटी असतांना तिच्या पतीच्या ओळखीचा नितीन अशोक पतंगे (वय २३, रा.नर्सरी काॅलनी, रांजणगाव) हा महिलेच्या घरी आला. व आमचा (Aurangabad Crime Updates) नवस पूर्ण झाला, असे म्हणत त्याच्या जवळील बॉक्समधील एक पेढा तिला खाण्यास दिला.

तिने पेढा खाल्ल्यानंतर तिला गुंगी येऊन ती बेशुद्ध पडल्याचे पाहून नितीन याने तिच्यावर अत्याचार केला. दरम्यान महिलेला जाग आली तेव्हा हा प्रकार तिच्या लक्षात आला. यामुळे महिलेने नितीन यास याविषयी जाब विचारला असता त्याने अत्याचाराचा काढलेला व्हिडीओ दाखवून तू जर माझ्या सोबत राहिली नाही, माझ्या मर्जीप्रमाणे वागली नाही तर मी हा व्हिडीओ व्हायरल करील. तसेच तुला व तुझ्या कुटुंबाला जीवे मारील, अशी धमकी दिली. त्यामुळे घाबरलेल्या महिलेने कोणाकडेच अत्याचाराची वाच्छता केली नाही. त्यानंतर नितीन याने महिलेवर वेगवेगळ्या ठिकाणी अत्याचार केले. नितीनकडून होणाऱ्या सततच्या अत्याचाराला कंटाळून महिलेने सायंकाळी तिच्या सोबत घडलेला सर्व प्रकार पतीला सांगितला. पतीने महिलेस समजावून सांगत धीर दिल्यानंतर पीडित महिलेने दिलेल्या तक्रारीवरून एमआयडीसी वाळूज पोलिस ठाण्यात गुन्हा दाखल करण्यात आला असून पुढील तपास पोलीस उपनिरीक्षक राजेंद्र बांगर हे करीत आहेत.