Corona Updates: मराठवाड्यात आणखी १०७ मृत्यू , तीन हजार २७२ जण कोरोनाबाधित

औरंगाबाद : मराठवाड्यात (Marathwada) मंगळवारी (ता. १८) दिवसभरात ३ हजार २७२ जणांना कोरोनाची (Corona) लागण झाली. जिल्हानिहाय आढळलेले रुग्ण असे; बीड (Beed) ११८६, औरंगाबाद (Aurangabad) ५६८, उस्मानाबाद (Osmanabad) ४००, लातूर (Latur) ३९९, परभणी (Parbhani) २८३, जालना (Jalna) १७८, नांदेड (Nanded) १६३, हिंगोली (Hingoli) ९५. उपचारादरम्यान आणखी १०७ जणांचा मृत्यू झाला. त्यात लातुरमध्ये ३१, औरंगाबाद १८, बीड १४, परभणी १२, उस्मानाबाद ११, जालना १०, नांदेड ८, हिंगोलीतील तिघांचा समावेश आहे. (Marathwada Corona Updates Above Three Thousand Covid Cases Reported)

औरंगाबादेत ५६८ बाधित, १८ मृत्यू

औरंगाबाद जिल्ह्यात दिवसभरात ५६८ कोरोनाबाधित आढळले. त्यात शहरातील १७४, ग्रामीण भागातील ३९४ जणांचा समावेश आहे. रुग्णांची संख्या १ लाख ३८ हजार ३५ झाली. बरे झालेल्या ६०० जणांना सुटी देण्यात आली. त्यात शहरातील १२८, ग्रामीण भागातील ४७२ जणांचा समावेश आहे. आजपर्यंत १ लाख २८ हजार ७४३ रुग्ण बरे झाले आहेत. सध्या ६ हजार ३२६ रुग्णांवर उपचार सुरू आहेत. आणखी १८ जणांचा मृत्यू झाला. आतापर्यंत २ हजार ९६६ जणांचा मृत्यू झाला आहे.